ЯҢАЛЫКЛАР
Кичә, 10 февраль көнне, Кукмара шәһәрендә "Кукмара" чаңгы базасында "Россия чаңгы юлы-2019" Бөтенроссия массакүләм чаңгы ярышлары кысаларында чаңгы узышлары булды. Ярышларда 500 артык кеше катнашты, ш.и. Лубян урман-техника көллиятендә укытучылар һәм көллият студентлары.
Бүген Татарстан Республикасында һәм Россия Федерациясенең 72 төбәгендә “Россия чаңгы юлы-2019” массакүләм чаңгы узышлары узды. Казанда әлеге ярышлар өч мәйданда – Горка-Әмәт урманында, Казансу елгасы үзәнлегендә һәм Юдиноның “Локомотив” стадионында узды.
Бүген Казан шәһәрендә Идел буе федераль округында “Рослесинфорг” ФДБУ филиалларының 2018 елгы эш йомгакларына һәм быелгы бурычларына багышланган киңәшмә булып узды. Чарада ИФО буенча Урман хуҗалыгы департаменты башлыгы Александр Орнатский, “Рослесинфорг” ФДБУ директорының беренче урынбасары Александр Зыков, ТР урман хуҗалыгы министрының беренче урынбасары Әмир Бәдертдинов, учреждение филиаллары җитәкчеләре катнашты.
Бүген Казан рыштуасында “Идел буе федераль округы субъектлары тарафыннан урман мөнәсәбәтләре өлкәсендә тапшырылган Россия Федерациясе вәкаләтләрен үтәү нәтиҗәлелеге: 2018 ел нәтиҗәләре һәм 2019 елга бурычлар” темасына киңәшмә булды. Киңәшмә эшендә РФ табигать ресурслары һәм экология министры урынбасары – Федераль урман хуҗалыгы агентлыгы җитәкчесе Иван Валентик, Идел буе федераль округы буенча Урман хуҗалыгы департаменты башлыгы Александр Орнатский, Татарстан Республикасы Премьер-министры Алексей Песошин, ТР урман хуҗалыгы министры Равил Кузюров һ.б. катнашты.
Бүген Россия Федерациясе табигать ресурслары һәм экология министры урынбасары – Федераль урман хуҗалыгы агентлыгы җитәкчесе Иван Валентик Татарстан Республикасына эш визиты белән килде. “Казан” халыкара аэропортында аны Идел буе федераль округы буенча Урман хуҗалыгы департаменты башлыгы Александр Орнатский һәм Татарстан Республикасы урман хуҗалыгы министры Равил Кузюров каршы алды, алар катнашында Иван Валентик берничә объектны карады.
Бүген Татарстан Республикасы урман хуҗалыгы министры Равил Кузюров "Россиянең урманнарны яклау үзәге" ФБУ директоры в.б. Павел Попов белән очрашты. Очрашуда министрның беренче урынбасары Әмир Бәдертдинов, "Рослесозащита" ФБУ филиалы – "Татарстан Республикасы Урман яклау үзәге" директоры Надежда Кузякина һ.б. катнашты.
Кичә, 6 февраль көнне, ТР "Тәтеш урманчылыгы" ДКУ хезмәткәрләре Кама Тамагы муниципаль районының "Кама Тамагының татар урта белем бирү мәктәбе" МБМУ һәм "Зур Келәр урта белем бирү мәктәбе" МБМУ мәктәпләрендә булдылар. Әлеге гомуми белем бирү учреждениеләре базасында мәктәп урманчылыкларын оештыру мәсьәләләре буенча киңәшмәләр уздырылды. Фикер алышуларда Кама Тамагы муниципаль районының "Мәгариф идарәсе" МКУ белгечләре һәм мәктәпләрнең укытучылары катнашты.
Князево АМЙ базасында Тукай муниципаль районы Князево авыл җирлегендәге чыгарылыш сыйныфларда укучы балалар белән профориентацион очрашу уздырылды. Чарада ТР "Алабуга урманчылыгы" ДКУ һәм "Лубян урман-техника көллияте" ДБҺББУ белгечләре катнашты.
Иртәгә, 8 февраль көнне, Татарстан Республикасына РФ табигать ресурслары һәм экология министры урынбасары – Федераль урман хуҗалыгы агентлыгы җитәкчесе Иван Валентик эш сәфәре белән киләчәк.
Мамадыш муниципаль районының "Олыяз лицее" МБМУ Олыяз мәктәп урманчылыгы җитәкчесе Хәтим Хәсәнов урманда гамәли дәрес уздырды. Ул берләшмәдә тәрбияләнүче балаларга агачларның һәм куаклыкларның кышкы чордагы яшәеше, вегетация үзенчәлекләре һ.б. турында сөйләде.