ЯҢАЛЫКЛАР

Татарстан Республикасы урман хуҗалыгы министрының беренче урынбасары Әмир Бәдертдинов Әгерҗе районында эш визиты белән булды. Сәфәре барышында Әмир Бәдертдинов Әгерҗе шәһәре башкарма комитеты бинасында гражданнарны кабул итте, очрашу барышында “Әгерҗе урманчылыгы” ДКУ җитәкчесе Равил Иманголов белән берлектә халыкка урман хуҗалыгы мәсьәләләре буенча консультацияләр бирде. Чара кысаларында төрле, асылда ташламалы утын алуда ярдәм күрсәтү турында мәсьәләләр каралды. Килгән барча мөрәҗәгатьләр буенча җаваплар һәм тиешле аңлатмалар бирелде. Гражданнарга җайлы булсын өчен Татарстанда тәүлек әйләнәсе 8800-100-94-00 телефон номеры эшли.

Җәүдәт Яхъя улы урман хуҗалыгында 40 елдан артык эшли, үз эшчәнлеген урманчы буларак башлап җибәрә, соңыннан озак еллар дәвамында урманчы ярдәмчесе булып эшли, урман хуҗалыгы үзгәртеп корылганнан бирле Юхмачы кишәрлеге урманчылыгын җитәкли. Үзенең өлкән яшьтә булуына карамастан, Җәүдәт Хәмидуллин көр рухлы һәм актив яшәеш позициясе алып бара, яшь белгечләрнең остазы булып тора. Урманчылыкта эш көне бик иртә башлана һәм 7.00 сәгатькә аның җитәкчелегендәге эш бригадасы инде объектта тора торган була. Быел урман торгызу кысаларында аның җитәкчелегендә 18 гектар мәйданда корычагачтан урман культуралары чыбылдыгы булдырыла. Шулай ук 74,8 гектар мәйданда урман культураларына өстәмә эшләр дә уздырыла. 4 гектарда табигый яңартылуга ярдәм күрсәтелә. Бу хәл Әлки урманчылыгында иң яхшы күрсәткечләр булып тора, эшләр кыска вакыт аралыгында һәм яхшы сыйфатлы итеп башкарылган.

"Мин урманнан энергия алам, чөнки урман – ул безнең яшәешебез. Без эшләгәндә – без яшибез әле. Һәм урман үскәндә, без беләбез, без әле кирәк, – дип билгеләде Җәүдәт Хәмидуллин.

Җәүдәт Хәмидуллин сәламәт яшәү рәвеше алып бара һәм яшьләр өчен үрнәк булып тора.

Урманнарда янгын чыгу куркынычы артуга бәйле рәвештә "Лениногорск урманчылыгы" ДКУ Зәй-Каратай кишәрлеге урманчылыгы хезмәткәрләре тарафыннан урманнарда патруль эше башкарыла һәм Лениногорск ш. яшәүчеләр арасында янгынга каршы пропаганда алып барыла. Дәүләт урман инспекторлары янгын куркынчсызлыгы өлкәсендә хокук бозуларны ачыклау максатында рейдлар уздыра. Беренче яртыеллыкта "Лениногорск урманчылыгы" ДКУ тарафыннан РФ КоАП 8.32 ст. 1 өлеше ("Урманнарда янгын куркынычсызлыгы кагыйдәләрен бозу") нигезендә 2 административ беркетмә төзелде. "Статистика буенча табигый янгыннарның 90% тирәсе кешеләрнең игътибарсызлыгы, ә еш кына җинаятьчел ваемсызлыгы аркасында барлыкка килә.  Күзәтүсез калдырылган учак, саксыз ташланган төпчек, ял итү урынында калдырылган пыяла савыт, узган ел янган үлән калдыклары урман һәлакәтенә китерергә мөмкин. Республикада яшәүче һәркем "яшел дусты" – урманга сакчыл карашта булырга тиеш!" – дип билгели урманчылар.

Җәйге чорда Татарстан урманнарындагы янгын куркынычсызлыгы бүген "Татар-информ" МА булып узган матбугат конференциясенең төп темасы булды. Башкарылган эшләр турында Татарстан Республикасы "Урман-янгын үзәге" ДБУ башлыгы Айрат Әхмәров һәм "Шәһәр яны урманчылыгы" ДКУ җитәкче-урманчысы Илнур Кәшәфиев сөйләде.

Һава торышына бәйле рәвештә урманнарда янгын чыгу куркынычының өченче, бик югары классы саклана. Татарстан Республикасы территориясендә махсус янгынга каршы режим билгеләнде. Шуңа бәйле рәвештә, халыкка урманнарга сәяхәт кылганда һәм урманнарга якын территорияләрдә булганда аеруча игътибарлы булырга кирәк. Үзеңне һәм әйләнә-тирәдәгеләрне куркынычка дучар итмәс өчен, учак ягу тыела.  

Хәзерге вакытта республика территориясендә 23 янгын-химия станциясе эшли, шуларның 18е –II типлы ЯХС һәм 5се – III  типлы ЯХС. Урманнарны янгыннардан саклау буенча махсуслаштырылган учреждение – "Урман-янгын үзәге" ДБУ составына гамәлдәге III  типлы ЯХС һәм тәүлек әйләнәсе эшли торган региональ диспетчер идарәсе пункты керә.

2018 елга Татарстан Республикасы территориясендә Урман янгыннарын сүндерүнең җыелма планы нигезендә урман-янгын формированиеләренең саны 343 кеше, 310 берәмлек техника тәшкил итә.

Татарстан Республикасы муниципаль районнарының башкарма комитетлары раслаган Урманнарда янгыннарны сүндерү планнары нигезендә "Урманчылык" дәүләт казна учреждениеләре каршында 1000 тирәсе кеше исәбендә 203 ирекле янгын дружинасы төзелде.

Республикада яшәүче һәркем янып китүнең барлык фактлары турында урман сагының түләүсез турыдан-туры номерына хәбәр итә ала: тел. 88001009400.

Урманнарны авиация ярдәмендә күзәтүнең 3 маршруты расланды. Татартан Республикасы урман фонды җирләрендә янгын чыгу куркынычын мониторинглау авиация ысулы белән 1225,8 мең гектар мәйданда һәм җир өслеге буенча 10,6 мең гектарда  гамәлгә ашырыла.

Урманнарда янгын куркынычсызлыгы кагыйдәләрен бозу кисәтү алуга яисә гражданнарга 1 мең 500 сумнан 3 мең сумга кадәр; вазыйфаи затларга 10 мең сумнан 20 мең сумга кадәр; юридик затларга 50 мең сумнан 200 мең сумга кадәр административ штраф салынуга китерә.

Оператив башкарылган эш нәтиҗәсендә 7 ел дәвамында Татарстан Республикасында урманнарда янгын чыгуга юл куелмады!

Бүген Татарстан Республикасы Урман хуҗалыгы министрлыгында "Татарстанның чиста урманнары" республика табигать саклау акциясенә йомгак ясадылар.  Ике ай дәвамында республикада яшәүче 9.5 меңнән артык кеше урманнарны санитар чистартуда актив катнашты.  Акция барышында автомобиль юллары һәм федераль һәм төбәк әһәмиятендәге трасса буйлары җыештырылды. 2410 м3 күләмендә каты көнкүреш калдыгы, коры-сары һәм ауган агачлар җыелды һәм чыгарылды.

Республиканың традицион "Татарстанның чиста урманнары" табигать саклау акциясе Татарстан Республикасы Урман хуҗалыгы министрлыгы тарафыннан Татарстан Республикасы территориясендә урнашкан урманнарда уңайлы санитар-экологик торыш булдыру максатларында һәм Татарстан Республикасы Министрлар Кабинетының 13.04.2018 № 859-р күрсәтмәсе нигезендә уздырыла.

Акциягә дәүләт граждан хезмәткәрләре, Татарстан Республикасы Прокуратурасы, суд органнары хезмәткәрләре, укытучылар һәм белем бирү йортлары студентлары теләктәшлек күрсәтте. Җирле халык һәм экологик иҗтимагый хәрәкәт әгъзалары актив катнашты.

Шулай ук акция кысаларында урман фондында һәм автомобиль трассалары буйларында урнашкан 432 артык мәгълүмат тактасы, аншлаг, ял чатырлары төзекләндерелде һәм 25 чишмә тәртипкә китерелде. "Татарстанның чиста урманнары" акциясе барышында гражданнар ялы өчен иминлекле һәм эстетик шартлар тудырылды. Акциянең язгы этабы 2018 елның 15 сентябреннән 15 ноябренә кадәр узачак.

Татарстан Республикасы урман хуҗалыгы министрының беренче урынбасары Әмир Бәдертдинов рәислегендәге дәүләт имтихан алу комиссиясе Казан дәүләт аграр университетының урман хуҗалыгы һәм экология факультетын тәмамлаучы 24 кешедән имтихан алды. Студентлар "Урман эше" юнәлеше буенча квалификация эшләрен яклады. Әлеге вакытта КДАУ урман хуҗалыгы һәм экология факультеты ике юнәлеш: "Урман эше" һәм "Ландшафт архитектурасы" буенча студентлар әзерли/ 2018 елда 52 чыгарылышка диплом тапшырылачак.

"Аксубай урманчылыгы" ДКУ "Урман патруле" мәктәп урманчылыгының 7 сыйныфында укучылар Аксубайның 2 нче урта мәктәбендә мәктәп яны лагерында ял итүче 1-4 сыйныф укучылары өчен "Өмет сукмагы"ннан экологик экскурсия уздырды. "Өмет сукмагы" – ул экологик проект, мәктәп уны урманчылыгында биология укытучысы һәм куратор Надежда Панюкова тарафыннан эшләнгән. Мәктәп кишәрлеге территориясендә "Алмагач бакчасы", "Кырмыска оясы", "Җир җиләге", "Дендрарий", "Дару үләннәре" станцияләре бүленгән, аларны узганда укучы әйләнә-тирә мохит турында теоретик һәм гамәли белемнәр туплый. Урманга сакчыл карарга өйрәнә, биология өлкәсендәге белемнәрен арттыра, җирлектә юнәлеш алу күнекмәсен ала һәм туган төбәгенең табигате үзенчәлекләрен өйрәнә.  Азакта балалар викторина уздырды, биредә балалар сорауларга җавап бирде. "Безнең хезмәт кешеләргә шатлык китерә, бу безгә бик сөенечле. Әйләнә-тирә дөньяны саклауга без үз өлешебезне кертәбез. Без экологик проектны тормышка ашыру буенча эшне алга таба да дәвам иттерәчәкбез", – дип билгеләде мәктәп урманчылыгында тәрбияләнүче балалар.

Татарстан Республикасы Урман хуҗалыгы министрлыгында, график нигезендә, кече һәм урта эшкуарлык субъектларына урман утыртмаларын сату-алу шартнамәсен төзүгә хокук сату буенча аукцион үткәрелде. Барлыгы 4: Баулы, Кәләй, Зәй һәм Әлки урманчылыкларыннан 59 лот күрсәтелгән иде.

Аукционда җиңүчеләр белән аукцион нәтиҗәләре турында беркетмәләр төзелә һәм, аукцион уздырылган көннән соң егерме көннән соңга калмыйча, сатуларның рәсми сайтында аукцион нәтиҗәләре турында мәгълүмат урнаштырылган көннән соң ун көн узгач һәм аукцион уздырылган көннән соң егерме көннән соңга калмыйча кече һәм урта эшкуарлык субъектларына урман утыртмаларын сату-алу шартнамәләре төзеләчәк.

Татарстан Республикасы урман хуҗалыгы министры Равил Кузюров урман хуҗалыгы ветераны Евгений Александрович Гуськовны юбилее белән тәбрик итте. 1986 елдан башлап 2001 елга кадәр Татарстан Республикасы Урман хуҗалыгы министрлыгының министр-баш урманчы урынбасары вазыйфасын биләгән Татарстан Республикасының атказанган урманчысына 25 июньдә 80 яшь тулды.

Үзенең котлавында Равил Кузюров өлкән буынны – Татарстан Республикасы Урман хуҗалыгы министрлыгында күп еллар дәвамында эшләгән һәм урман тармагын үстерү өчен күп көч һәм тырышлык күрсәткәннәрне хөрмәтләүнең һәм искә алуның әһәмиятле булуын билгеләп узды.

"Сез зур хезмәт юлын үттегез, шул вакыт эчендә Сез үзегезне урман хуҗалыгының новаторы буларак күрсәттегез һәм республиканың урман тармагын үстерүгә зур өлеш керттегез, без Сезгә шуның өчен бик рәхмәтле! Әлеге бәйрәм көнендә чын күңелдән Сезгә ныклы сәламәтлек, бәхет, күңел җылысы һәм тынычлык, иң изге һәм якты теләкләрне телибез!"

Хәзерге вакытта Евгений Александрович Татарстан Республикасы Урман хуҗалыгы министрлыгы каршындагы Иҗтимагый советның рәисе булып тора. Үзенең өлкән яшьтә булуына карамастан, Евгений Александрович рухы белән көр, актив яшәү рәвеше алып бара, урман тармагы белгечләре арасында абруе да, хөрмәте дә зур.

Евгений Гуськов – урманчылар нәселеннән, Лубян урман техникумын тәмамлаган, укуын тәмамлагач Омскиның урман хуҗалыгы идарәсенә юлланган. Себердә ул 7 ел буе киң куллану товарлары цехы мастеры була, урманчы ярдәмчесе һәм урманчы булып эшли. 1963 елда Евгений Гуськов Татарстанга әйләнеп кайта, биредә Шәһәр яны урман хуҗалыгына урнаша. Биредә ул урман культуралары мастеры булып эшли башлый, соңыннан киң куллану товарлары цехы башлыгы итеп билгеләнә, ә 1967 елдан башлап 1972 елга кадәр – югары белем алганнан соң – урман культуралары инженеры була. 1972 елның июнендә Евгений Гуськов урман хуҗалыгының баш урман белгече вазыйфасына күчерелә.  1986 елның августыннан Евгений Александрович министр – Татарстан Республикасы Урман хуҗалыгы министрлыгының баш урманчысы урынбасары булып билгеләнә.

"Чирмешән урман хуҗалыгы" ДБУ базасында уртырту материалы үстерү, урманнарны торгызу, санитар кисүләр уздыру һәм хезмәтне саклау буенча семинар узды. Семинарда катнашучылар Казанка кишәрлеге урманчылыгының даими базис питомнигында питомник хуҗалыгын алып бару эше белән танышты. Җитәкче-урманчы Ривгәт Мотыйгуллин һәм урман хуҗалыгы директоры Николай Кваков утырту материалын үстерүнең агротехникасы һәм технологиясе турында, шулай ук чәчкен тамырын кисеп, зур агачлар үстерү турында сөйләде.

Светлогорск кишәрлеге урманчылыгында сабаклы имән культураларын тоныкландыру, сайланма санитар кисү кишәрлекләрен, шулай ук агач кисү цехларын карадылар, биредә эш урыннарында уздырыла торган куркынычсызлык техникасы һәм хезмәт сагы турында сөйләделәр. Семинарда катнашучылар шулай ук урман хуҗалыгының үзәк конторасында сәүдә мәйданчыгы белән дә танышты.

Объектларны караганнан соң Татарстан Республикасы урман хуҗалыгы министры Равил Кузюров эшлекле киңәшмә уздырды, анда Чирмешән муниципаль районы башлыгы Фердинат Дәүләтшин да катнашты. Киңәшмәдә 2018 елның беренче яртыеллыгында урманчылык эшчәнлегенә беренчел йомгак ясалды. Киңәшмәне тәмамлап, министр питомниклардагы эшләрнең сыйфатына игътибар бирергә һәм Татарстан Республикасы урманнарында контрольне көчәйтергә кушты.

"Чирмешән урманчылыгының тотрыклылыгына игътибар итегез, эшләрнең сыйфатлы башкарылуы шуның хисабына тәэмин ителә. Бу Чирмешән урманнарының киләчәге бар дигәнне аңлата", – дип билгеләде министр.