ЯҢАЛЫКЛАР

Халыкара коррупциягә каршы көрәш көне кысаларында Татарстан Республикасы Урман хуҗалыгы министрлыгында киңәшмә узды, анда дәүләт граждан хезмәтен узуга бәйле булган, хезмәттә үз-үзеңне тотуга һәм коррупциячел хокук бозуларны кисәтүгә карата “Коррупциягә каршы көрәш турында” 2008 елның 25 декабрендәге 273-ФЗ номерлы Федераль законда билгеләнгән чикләмәләр, тыюлар, таләпләр турында доклад тыңланды. Утырыш барышында әлеге бурычларны һәм тыюларны үтәмәүнең коррупциячел хокук бозу булуына акцент ясалды, ул дәүләт хезмәткәрен дәүләт хезмәтеннән кууга сәбәп була.

Узган шимбәдә Татарстан Республикасы Дәүләт хезмәткәрләре спартакиадасы кысаларында баскетбол буенча йомгаклау ярышлары узды. Татарстан Республикасы Урман хуҗалыгы министрлыгыннан Нияз Имамиев – мөлкәт белән идарә итү, техник үсеш һәм хезмәт сагы бүлеге башлыгы, Нияз Таҗмиев – дәүләт контроле һәм күзәтчелеге секторы башлыгы, Наил Мирсияпов – урманнарны саклау һәм яклау секторы җитәкчесе, Рамил Илдарханов – аренда мөнәсәбәтләре бүлегенең әйдәп баручы белгече, Ирек Шәрифуллин – икътисад, дәүләт заказы урнаштыру һәм түләүләрне администрацияләү бүлеге башлыгы һәм Тимур Галиев – урманнарны яңадан җитештерү һәм урман үрчетү бүлеге башлыгы командасы катнашты. Министрлык хезмәткәрләренә ТР Финанс министрлыгы һәм Федераль казна идарәсе хезмәткәрләре белән көч сынашырга туры килде.

Шунысын билгеләп узарга кирәк, Авыл хуҗалыгы министрлыгы хезмәткәрләре Казан ш. спорт залларында даими шөгыльләнә, спорт ярышларына актив әзерләнә. Катнашучылар сүзләренә караганда, ярышлар дустанә шартларда узды. Җанатарларның актив рәвештә көч биреп торуы, яхшы кәеф һәм елмаюлы йөзләр тәэсирле атмосфера һәм уңай кичерешләр тудырды.

Яңа ел бәйрәмнәрен каршы алганда ылыслы яшь агачларны саклау һәм аларны законсыз кисүләрдән саклау буенча кирәкле чаралар үтәлешен көчәйтү максатларында, 1 декабрьдән башлап, урман хуҗалыгы белгечләре тарафыннан урманны саклау һәм аңа карата сакчыл мөнәсәбәттә яшәү, яңа ел бәйрәмнәре чорында ылыслы яшь агачларны юкка чыгаруны чикләү, шулай ук урман утыртмаларын законсыз кисү һәм аларга зыян салу буенча законнарда билгеләнгән җаваплылык чаралары турында аңлату эшләре алып барыла.

2017 елның 20 декабреннән 31енә кадәр урман тармагы хезмәткәрләре ылыслы агачлар өстенлек итүче урман кишәрлекләрен тикшереп торуны көчәйтәчәк. Урман законнарын бозуның ачыкланган фактлары буенча урманчылар эшләр кузгату һәм административ хокук бозу турында беркетмәләр төзү буенча оператив чаралар күрәчәк. Урман хуҗалыгына 5 мең сум һәм аннан күбрәк күләмдә зыян салынган очракта, материалларны җинаять эше кузгату өчен тикшерү органнарына җибәрәчәкләр.

Бөгелмә үзәк китапханәсендә “Бөгелмә урманчылыгы” ДКУ белән берлектә оештырылган “Табигать язмышында – безнең язмыш” экологик эссе конкурсында җиңүчеләрне, призерларны котлау тантанасы булды. Конкурс Экология елы һәм Махсус сакланучы табигать территорияләре кысаларында узды. Аның максаты – балаларны һәм яшүсмерләрне табигатьне яратырга өйрәтү, сакчыл карашлы булырга өндәү, шулай ук экологик культураны формалаштыруга юнәлдерелгән китап уку эшчәнлегенә юнәлтү. Конкурска

40тан артык иҗат эше тапшырылды. Җиңүчеләрне сайлап алуы җиңелләрдән булмады. “Ютазы урта мәктәбе” МБМУ “Яшел патруль” мәктәп урманчылыгында укучылар да читтә калмады. Яшь урманчылар һәм экологлар җиңү яулады: 1 урында – Садыйков Марат; 2 урында – Лукашина Азалина. Тамашачы күңелен яулаучылар призы Хафизов Зөфәргә тапшырылды. Мәктәп укучылар каршында “Бөгелмә урманчылыгы” ДКУ вәкилләре – урманнан файдалану инженеры Латыйфуллина Г.И., урманны саклау һәм яклау буенча инженер Мухалева О.А. һәм “Бөгелмә урман хуҗалыгы” ДБУ Садыйкова Л.В. катнашты.

Беркем дә игътибарсыз калмады. Җиңүчеләр һәм конкурста катнашучылар дипломнар белән бергә “Бөгелмә урманчылыгы” ДКУ вәкилләре кулларыннан чыршы үсентеләре дә алды. Балалар үз чиратында яшь агачларны үз мәктәпләре янында утыртырга һәм аны тәрбияләп үстерергә сүз бирде.

Халыкара коррупциягә каршы көрәш көне уңаеннан “Бөгелмә урманчылыгы” ДКУ учреждениесендә җитәкче-урманчы Г.З. Мөхәммәтханова “Ютазы урта мәктәбе” МБМУ “Яшел патруль” мәктәп урманчылыгында белем алучылар алдында “Коррупциягә каршы көрәш нигезләре” темасына лекция укыды.

Чыгыш кысаларында укучыларга “коррупция” төшенчәсе аңлатылды, аның башка хокук бозулардан аермалары күрсәтелде; балалар коррупция формалары һәм коррупциячел хокук бозуларны кылган өчен каралган җаваплылык чаралары турында белделәр.

Шулай ук укучыларга коррупциягә каршы тәртип нигезләре турында да мәгълүмат бирелде: коррупциячел җинаятьтә катнашучы булмас өчен үзеңне ничек тотарга; коррупция күренешләреннән үзеңне ничек сакларга; ришвәт таләп итү очрагында кемгә мөрәҗәгать итәргә.

Әңгәмә барышында әлеге тематика буенча яңгыраган барлык сорауларга җаваплар бирелде.

Чыгыш азагында укучыларга “Коррупциягә каршы көрәш” акциясендә катнашу турында сертификатлар тапшырылды, аның кысаларында балалар “Бөгелмә урманчылыгы” ДКУ бинасында һәм мәктәптә рәсемнәр күргәзмәсе оештырган иде.

6 декабрьдә Вологда шәһәрендә “Россия урманы” XXII Халыкара күргәзмәсе старт алды, биредә Россия Табигать ресурслары һәм экология министрлыгы, Федераль урман хуҗалыгы агентлыгы вәкилләре, Россия субъектларыннан, тикшереп торучы ведомстволардан һәм иҗтимагый оешмалардан вәкилләр җыелды. Татарстан Республикасыннан чарада Татарстан Республикасы урман хуҗалыгы министрының беренче урынбасары Ә.Н. Бәдертдинов һәм урманнарны яңадан җитештерү һәм урман үрчетү бүлеге башлыгы Т.Р.Галиев катнаша.

Вологодск өлкәсенең Иҗтимагый палатасында булып узган конференция кысаларында “Россия Федерациясе субъектлары дәүләт хакимияте органнары тарафыннан урман мөнәсәбәтләре өлкәсендә ачык белешмәләр җыелмасын урнаштыру” темасына семинар булып узды. Әмир Бәдертдинов үзенең докладында билгеләп узганча, дәүләт идарәсе системасы тотрыклы эшләсен өчен, шулай ук тулаем алганда җәмгыятьнең ихтирамын һәм ышанычын арттыру өчен дәүләт органнарына ачык һәм үтәкүренмәле булу форматында эшләү зарур. Ул республикада урман мөнәсәбәтләре өлешендә ачык булу системасының эше турында сөйләде (“Халык контроле”, Министрлык сайтында мәгълүматлар урнаштыру, шул исәптән дәүләт урман реестрының

еллык формалары). Моннан тыш, Ә.Н. Бәдертдинов яңалыклар турында да әйтеп узды: “Бүгенге көндә Татарстан Республикасы Урман хуҗалыгы министрлыгы тарафыннан рәсми сайтта “Мәгълүмат һәм статистика” бүлегендә планлаштырылучы һәм уздырылучы урман хуҗалыгы чаралары буенча, шул исәптән республиканың зур шәһәрләре (Казан, Яшел Үзән, Түбән Кама, Яр Чаллы һ.б.) янәшәсендә агач кисүләр буенча белешмәләр яктырту буенча әзерлек эшләре алып барыла. Аңлату холкына ия булган әлеге мәгълүмат урман утыртмаларын кисү өлешендә халыктан алынган тискәре кайтавазларны киметергә тиеш”.

Вологда шәһәрендә “Россия урманы” XXII Халыкара күргәзмәсе 8 декабрьгә кадәр дәвам итәчәк.

Татарстан Республикасы Урман хуҗалыгы министрлыгы 2017 елның 5 декабрендә Лениногорск, Болгар һәм Биләр урманчылыкларының урман фонды территорияләрендә урнашкан урман утыртмаларын кече һәм урта эшкуарлык субъектларына сату-алу шартнамәләре төзүгә хокук сату буенча аукцион йомгаклары турында хәбәр итә.

5, 8, 12, 17, 62 номерлы лотлар буенча аукцион узган дип танылды. Аукционда җиңүчеләр белән беркетмәләр имзалана һәм беркетмәгә кул куйган көннән соң ун эш көне эчендә кече һәм урта эшкуарлык субъектларына урман утыртмаларын сату-алу шартнамәләре төзеләчәк.

7, 10, 11, 13, 15, 18, 19, 26, 29-31, 50, 53, 63, 64, 109, 117 номерлы лотлар буенча аукцион узмаган дип танылды (Россия Федерациясе Урман кодексының 80 статьясының 7 пунктының 1 пунктчасы). Аукционның бердәнбер катнашучысы белән беркетмәләр имзалана һәм Россия Федерациясенең “Интернет” мәгълүмати-телекоммуникация челтәрендәге рәсми сайтында аукцион йомгаклары турында мәгълүмат урнаштырылган көннән соң ун көннән соң кече һәм урта эшкуарлык субъектларына урман утыртмаларын сату-алу шартнамәләре төзеләчәк

1-3, 6, 9, 14, 16, 18, 20-25, 27-28, 32-39, 41-49, 51-52, 54-61, 65-108, 110-116, 118-120 лотлары буенча аукционда катнашуга заявкалар булмауга бәйле рәвештә аукцион узмаган дип танылды.

Татарстан Республикасы Урман хуҗалыгы министрлыгында экологлар белән бергә узган уртак киңәшмә барышында Идел елгасын саклау өлкәсендә алып барылган эшләр турында, шулай ук сусаклагыч яклаучы урман утыртмаларын булдыру турында сүз барды. Чарада ТР урман хуҗалыгы министрының беренче урынбасары Ә.Н. Бәдертдинов, ТР экология һәм табигый ресурслар министры Ф.С. Габделганиев катнашты. Киңәшмә барышында юл картасын эшләү карары кабул ителде, аның буенча Татарстан Республикасында Идел елгасы ярларын урман белән каплау планлаштырыла. Экологлар утырту материалы үстерү өлкәсендә урманчылар потенциалын билгеләп узды, урман хуҗалыгы хезмәткәрләре үз чиратында, тиешенчә финанслау булган очракта һәм кишәрлекләр бүлеп бирелгәндә “Иделне савыктыру” проектында катнашырга әзер булулары хакында белдерде.

Киңәшмәдә ТР дәүләт хакимияте органнары һәм ТР җирле үзидарә органнары тарафыннан 2017 елның 1 яртыеллыгында коррупциягә каршы көрәш буенча чараларны тормышка ашыру турында ТР Президентының Коррупциягә каршы сәясәт мәсьәләләре буенча идарәсе тарафыннан әзерләнгән белешмәләргә күзәтү ясалды. Шулай ук Татарстан Республикасы Прокуратурасының 2017 елның узган чорында Татарстан Республикасында коррупциягә каршы көрәш турында законнар үтәлешен күзәтү тәҗрибәсенә ясалган анализ нәтиҗәләре һәм “Министрлыкта коррупция торышы турында җәмәгать фикерен сораштыру” темасына социалогик тикшерүләрнең нәтиҗәсе турында мәгълүмат каралды.

Экология елы кысаларында Казанда “Казан ярминкәсе” КҮ базасында “Чиста су” темасына халыкара конференция уза. Әлеге форум кысаларында Татарстан Республикасы урман хуҗалыгы министрының беренче урынбасары Әмир Бәдертдинов катнашты. Сусаклагыч яклаучы утыртмалар утыртуның әһәмияте турында доклад белән чыгыш ясаганда, Ә.Н. Бәдертдинов болай дип билгеләде: “Республикада урман торгызу һәм урман үрчетү буенча еллык күләмнәрне исәпкә алганда, безнең Россия Федерациясенең башка субъектларына да агач утырту мөмкинлегебез бар. Яклаучы урманнарны үрчетү мәсьәләсенә килгәндә, Татарстан Республикасында ел саен урманчылар тырышлыгы белән 2 мең гектардан артык мәйданда эрозиягә каршы яклаучы урман утыртмалары утыртыла. Урманнарның сусаклагыч һәм туфрак яклаучы вазыйфаларын саклау белән беррәттән, кече елгаларның су саклау зоналарына урманнар, ерганакларда-чокырларда яклаучы утыртмалар утырту, шулай ук кырсаклагыч һәм юл буе урман полосаларын булдыру эшләрен дәвам иттерү зарур. Бүгенге көндә мондый утыртмаларның гомуми мәйданы 57 мең гектардан артып китә. Хәзерге вакытта, Министрлык бәяләүләренә караганда, 7 мең гектардан артык урында су саклау утыртмаларын утыртырга кирәк. Тиешенчә финанслау булган очракта, Татарстан Республикасының Урман хуҗалыгы министрлыгы сусаклагыч яклаучы утыртмаларга нигез салу эшләрен уздырырга әзер. Моның өчен Министрлыкның ведомство буйсынуында торучы учреждениеләрдә кирәкле техника, тиешле ассортимент һәм кирәкле күләмдә утырту материалы бар”.