ЯҢАЛЫКЛАР

Оештыру эшләре бүлеге башлыгы Наилә Лонкина тарафыннан Министрлар Кабинетының быел 25 июньдәге “Министрлыкларның һәм тармакларның халыкның тормыш сыйфатын һәм эшчәнлек эффектларын бәяләү индикаторлары буенча дәүләти идарә бурычларын үтәве буенча башкару дисциплинасының торышы турындагы” 04.07.2013 № 476 киңәшмәсе йомгаклары анализланды.

Докладта әйтелгәнчә, 2009 елдан 2012 елга кадәр ТР Урман хуҗалыгы министрлыгының документ әйләнеше 243.3%ка арткан. 2012 елда министрлыкка 1348 граждан язмача мөрәҗәгать иткән һәм җавап алган. Гражданнарның хөкүмәтнең интернет кабулияте аша мөрәҗәгатьләре дә арткан: 2012 елда алар 145 булса, 2013 елның беренче яртысында 81 булган.

Киңәшмә нәтиҗәләре буенча беркетмә карарлары чыгарылды.

Киңәшмәдә кадрчылар практикасында иң еш очрый торган эш законнары мәсьәләләре каралды, сектор белгечләренә урман хуҗалыгы хезмәткәрләренең хезмәт кенәгәләрен тутыру буенча киңәшләр бирелде. Киңәшмәдән соң анда катнашучыларга тармак оешмаларында эш алып бару буенча министрлыкның кадрлар службасы әзерләгән методик киңәшлекләр һәм белешмәлекләр өләшенде.

Идел буен округы Урман хуҗалыгы департаментының матбугат хезмәте хәбәренә караганда, янгын хәвефе сезоны башыннан алып (2013 елның 9 июлендәге хәлдә) округның урман фонды җирләрендә 865 гектарда 474 урман янгыны теркәлгән. Бер янгынның уртача мәйданы – 1.8 гектар.

Саба районы администрациясе башлыгы Рәис Миңнеханов ярдәме белән быел 1 августта 10.00 сәгатьтә Урман хуҗалыгы бистәсендә Татарстан Урман хуҗалыгы министрлыгының “Татарстан Республикасының урман комплексы: инновацияләр, тәҗрибә, үсеш перспективалары” дигән семинар-киңәшмәсе уздырыла.

2013 елда Идел буе федераль округы территориясендә урман яңарту чаралары 91.3 мең га мәйданда планлаштырылган, шул исәптән дәүләт контрактлары буенча – 24.2 га (26%), урманнан файдаланучылар исәбенә – 67.1 га (74%).

“Авиалесохрана” ФБИ прогнозлары буенча, урманнарда янгын куркынычының югары классы июль азагынача барырга мөмкин. Шул уңайдан Татарстан Урман хуҗалыгы министрлыгы урманнарны саклау буенча көчәйтелгән чараларны дәвам итә: урманчылыкларда тәүлек әйләнә дежурлык оештырыла һәм патрульләр көчәйтелә, барлык янгын-химия станцияләренең урман янгыны машиналары урман массивлары янында даими дежурда тотыла.

Быелның 1 июлендәге торышта, янгын куркынычы сезоны башланудан алып, Россия Федерациясендә 5630 урман янгыны булды, утта янган мәйдан 556 317 га, шул исәптән урманлы мәйдан 373 445 га. Татарстан территориясендә урман янулар теркәлмәгән.

Канатлы корткычлар Чишмә елгасының сул ярындагы Черек күл янында барлыкка килделәр. Хәзер зарарланган территорияләр агулы химикатлар белән эшкәртелгән. Экологларның әйтүенчә, саклаулы зонаның флорасы һәм фаунасы саранчадан зыян күрмәгән. Бу атнада ТР буенча Россия авыл хуҗалыгы күзәтчелеге вәкилләре тыюлык җирләрен кабат йөреп чыгачак. Бер версия буенча, чакырылмаган кунаклар һөҗүменә озайлы эссе һава сәбәпче булган.

03.07.2013

Тантанада Казан дәүләт аграр университетының урман хуҗалыгы һәм экология факультеты деканы Людмила Пухачева сүзне ТР Урман хуҗалыгы министры Наил Мәһдиевка биргәндә: “Белгечләрне сезгә кулдан-кулга тапшырабыз”, – дип шаяртып алды. Яшь коллегаларга, кичәге студентларга дәшеп, министр республика урман хуҗалыгының бүгенге иҗади һәм фәнни мөмкинлекләре турында сөйләде: “Безнең урман хуҗалыгында буыннар алмашына, һәм без үзебезгә грамоталы, оста белгечләр килү белән кызыксынабыз. Үзе төзегән йортны бер елдан күрәчәк төзүчедән, ярты елдан соң уңыш җыячак игенчедән аермалы буларак, урман үстерүче озак түземле булырга тиеш. Ләкин “сабыр төбе – сары алтын” ди татар мәкале. Безнең өчен ул – урман.”

Тантана азагында яшь белгечләр урман хуҗалыгы министры белән бергә фотога төштеләр.

Урман хуҗалыгы министры Наил Мәһдиев Казан аграр университетының урман хуҗалыгы һәм экология факультеты абитуриентлары белән очрашу үткәрде.

Министрлыкка урман бистәләреннән егерме яшь кеше килгән иде, күбесенең ата-аналары урман хуҗалыгында эшли, үзләре мәктәп урманчылыкларында башлангыч һөнәри белем алганнар. Норлат мәктәп урманчылыгыннан Александр Чибидин һәм Шәһәр яны мәктәп урманчылыгыннан Айгөл Әхмәрова – халыкара һәм региональ конкурс лауреатлары, башкалары – республика тармак олимпиадаларында җиңүчеләр, һәм урман профильле вузны бик аңлы рәвештә сайлаганнар.

Министр Наил Мәһдиев яшьләргә Татарстанның урман хуҗалыгында соңгы елларда булган үзгәрешләр турында сөйләде, һәр абитуриент һәм аның ата-анасы белән танышты. “Урман хуҗалыгы аркылы тормышта үз юлыгызны табуыгызны телим”, – диде министр яшь буын урманчыларга.

Министрлыктагы бу очрашуда кадрлар службасы хезмәткәрләре һәм җитәкче-урманчылар да бар иде. Алар уку елы барышында авыл мәктәпләрендә аң-белем тараттылар, Казан аграр университетының урман хуҗалыгы һәм экология факультеты белән хезмәттәшлек итәләр.

Татарстан Урман хуҗалыгы министрлыгы белгечләре “Чиста урманнар” акциясендә катнаштылар. Шәһәр яны урманчылыгының җыештыру өчен сайланган Казан янындагы кишәрлекләре – тиңдәшсез матур урыннар, шуңа күрә дә аларны ял итүче халык һәм табигать сөючеләр бик ярата. Ләкин ул урманнарга 2010 елгы корылык һәм 2011-2012 елгы кышкы салкыннар начар йогынты ясады, бигрәк тә чыршы һәм каен агачлары нык зыянлады һәм корыды. Бу урыннарда санитар савыктыру чаралары үткәрү һәм коры-сарыны җыештыру урман янгыннарына каршы көрәшнең дә бер алымы булып тора. Министрлык белгечләре һәм урман хуҗалыгы хезмәткәрләре урман җыештыру өмәсендә тату һәм бердәм эш иттеләр.