ЯҢАЛЫКЛАР

14.06.2013

Татарстан Урман хуҗалыгында балаларның “Кыргый табигать утраулары” фотосүрәтләр конкурсына, “Серле табигать дөньясы” рәсемнәр конкурсына, “Лукоморье” әдәби эшләр конкурсына йомгаклар ясалды. Конкурслар Татарстанда узган “Парклар маршы-2013” акциясе кысаларында уздырылды.

Конкурска кергән материалларны анализлау һәм тикшерү нигезендә Комиссия КАРАР ИТТЕ:

Җиңүче дип игълан ителәләр, дипломнар һәм призлар белән бүләкләнәләр:

Көнчыгыш Казахстан өлкәсе хакиме Бәрдебәк Сапарбаев ТР Урман хуҗалыгы министрлыгына “Казан агачы” паркын төзүгә керткән өлеше өчен рәхмәт белдерде. “Бу адым ике бөек халыкның – казах һәм татар халыкларының дуслыгын раслый. Ике этносның үзара үтеп кереше арытаба да файдалы хезмәттәшлек өчен тагы да зуррак стимул тудыра”, – диелгән Рәхмәт хатында.

Министрлык Казахстанның Сәмәй шәһәрендә 16 июньдә, татар милли Сабан туе көнендә нигезләнәчәк “Казан агачы” паркына утырту өчен түләүсез рәвештә республика питомникларыннан ике меңләп үсенте җибәргән иде.

Вологда өлкәсенең Закон чыгару Җыелышы “Россия Федерациясенең административ Кодексына урманнарның санитар торышы таләпләрен бозган өчен административ җаваплылык турында үзгәрешләр кертү” дигән федераль закон проектын карауга керткән иде, ул 18 июньдә беренче укылышта тикшереләчәк.

Закон проекты белән гражданнарның һәм транспорт чараларының урманнарга керүен чикләү, янгын куркынычсызлыгы максатында урманнарда аерым төр эшләр башкару белән бәйле административ хокук бозуларның яңа составлары, шулай ук юридик булмаган затларның эшмәкәрлек гамәлләре өчен аерым санкцияләр һәм штрафлар кертелә. Гражданнар, вазифалы һәм юридик затлар өчен санкцияләр бераз гына арттырыла.

Бу проект Татарстан Дәүләт Советы тарафыннан якланды.

“Җиде көн” мәгълүмәт-анализ программасы ТР Н.Мәһдиевның шул закон проектына бәйле комментариен яздырып алды. Программа эфирга 16 июньдә чыгачак.

Киңәшмәнең көн тәртибендәге төп мәсьәлә – урманнарның санитар торышын яхшырту буенча профилактика чаралары. 2010 елгы корылык һәм 2011-2012 елгы кышкы салкыннар чыршы һәм каен урманнарына тискәре йогынты ясаган һәм алар, бигрәк тә Татарстанның көньяк-көнчыгыш һәм төньяк районнарында корый башлаганнар. Киңәшмәдә зыянлаган урман мәйданнарында санитар савыктыру чаралары үткәрү, корыган агачларны гражданнарга кулланышка бирү тәртибе турында күрсәтмәләр бирелде.

Юхи Ояла әфәнде Татарстанның урман секторы белән танышу мөмкинлеге өчен рәхмәт белдергән. “Миндә: Татарстанның урман хуҗалыгы һәм урманнарының торышы бик югары кимәлдә, урман секторы белән идарә итү актив үсешкә юнәлтелгән, дигән фикер барлыкка килде”, – диелә аның телеграммасында. Хезмәттәшлекнең дәвамы буларак, министр Н.Мәһдиев быел көз көне Финляндиянең урман хуҗалыкларын карарга барачак.

Россия Фәннәр Академиясенең В.Вернадский исемендәге дәүләт геология музеенда күренекле галимнең тууына 150 ел тулуга багышланган чаралар булып узды, “Экологик культура. Тынычлык һәм татулык” Халыкара проектында җиңүче эшләр күргәзмәсе оештырылды. Бу чараларда ТР Урман хуҗалыгы министрының беренче урынбасары Х.Мусин катнашты. Вернадский исемендәге хөкүмәттән тыш экологик фонд президенты В.Грачев ТР Урман хуҗалыгы министры Н.Г.Мәһдиевны тотрыклы социаль, экономик һәм экологик үсеш программасын тормышка ашырудагы зур казанышлары өчен В.И.Вернадский ордены белән бүләкләде. Аннан тыш, халыкара жюри карары белән Министрлык белгече И.Томаеваның “Татарстан Республикасы дәүләти табигать тыюлыклары базасында экологик аң-белем бирү” дигән эше Гран-при алды.

Алар Йенчепинг шәһәрендә оештырылган “Урман хуҗалыгы һәм агач әзерләү өчен техника, практик чишелешләр, машиналар, җиһазлар һәм технологияләр (Elmia wood 2013)” күргәзмәсендә катнаштылар. Эшлекле очрашулар программасында – агач әзерләү предприятиеләренә, агач утырту һәм үстерү белән шөгыльләнүче урман хуҗалыкларына,  шулай ук Husqvarna компаниясенә барулар. Швециядә утырту материалын теплицаларда һәм ябык тамыр системасы белән үстерүнең уңай тәҗрибәсе бар. Утырту материалларын үстерүдә алдынгы технологияләр куллану исәбенә урман культураларының югары яшәүчәнлеге тәэмин ителә. Бу тәҗрибә Татарстанның Саба районында Урман селекция-орлыкчылык комплексын төзегәндә файдаланылды. Швед технологиясе Татарстанда урманнарны торгызуның алдынгы алымнарына күчәргә булышты, һәм ул Кайбычта “Россия имәнлекләре” фәнни-җитештерү үзәген төзегәндә дә кулланылачак.

Ул участок урманчылыклары хезмәткәрләрен һәм энтузиастларны, урманнарны саклау эшенә хәл кадәре үз өлешен кертүчеләрнең барысын да берләштерде. “Казанда XXVII Бөтендөнья җәйге Универсиада башланырга бер ай гына калды, бу чара чиста һәм яшел урманнар үскән республикада үтәргә тиеш” – дип саныйлар Тәтеш урманчылыгында.

Арча районындагы “Өмет чишмәсе” мөмкинлекләре чикләнгән балаларны тернәкләндерү үзәгендә “Ашыт” тыюлыгы хезмәткәрләре шунда тәрбияләнүчеләр белән очрашу үткәрделәр. Аларны Татарстанның аеруча саклаулы табигать территорияләре, шундагы флора һәм фауна, Кызыл Китап белән таныштырдылар. Тернәкләндерү үзәге балалары Идел-Кама тыюлыгы турында фильм карадылар, шуннан соң “Ашыт” тыюлыгы турында әңгәмә уздырылды. Белгечләр балалар өчен тыюлыкка экскурсия оештырырга да вәгъдә иттеләр.

Мәскәүдә Эколог көненә багышланган тантаналы чара үткәреләчәк. Аның кысаларында “Экологик культура. Тынычлык һәм татулык” Халыкара проектында җиңүчеләр бүләкләнәчәк. “Биологик төрлелекне саклау һәм ландшафтларны тергезү” номинациясендә биологик төрлелек бүлегенең башкаручы киңәшчесе Индира Томаеваның “Татарстан Республикасы дәүләти табигать тыюлыклары базасында экологик аң-белем бирү” проекты халыкара жюри карары белән иң яхшы дип табылган һәм Гран-при алачак.