ЯҢАЛЫКЛАР
14 апрельдәге селектор киңәшмәсендә РФ табигый байлыклар һәм экология министры урынбасары – Урман хуҗалыгы федераль агентлыгы җитәкчесе Иван Валентик, Россия Гадәттән тыш хәлләр министрлыгы җитәкчелеге, Россия Федерациясе субъектлары башлыклары, РФ субъектларының урман бәйләнешләре өлкәсендәге башкарма хакимият органнары вәкилләре катнашачак.
Татарстаннан киңәшмәдә урман хуҗалыгы министры Алмас Назыйров катнаша.
Урман культурасы сезоны алдыннан Идел буе урманчылыгында участок урманчыларын һәм урман мастерларын яңадан әзерләү һәм квалификациясен күтәрү үткәрелде.
Программада урманнарны янгыннан нәтиҗәле саклау системасын үзләштерү, янгын сезонына вакытында һәм сыйфатлы әзерләнү, Идел буе урманчылыгы территориясендә дәүләти урман контролен башкарырга, урманнарны саклауга һәм яңадан торгызуга күзәтчелек итәргә өйрәнү каралган.
Киңәшмәдә Россия Федерациясе Табигый байлыклар һәм экология министрлыгы вәкилләре, Урман хуҗалыгы федераль агентлыгы җитәкчеләре, Россия Федерациясе субъектлары башлыклары, Дәүләт Думасы депутатлары һәм Федерация советы әгъзалары, Россия Федерациясе субъектларының урман бәйләнешләре өлкәсендәге хакимият органнары, бизнес-берләшмәләр, җәмәгать оешмалары һәм фән вәкилләре катнашты.
Министр в.б. Харис Мусин рәислегендә узган утырышта Комиссия әгъзалары – Татарстан Фәннәр Академиясенең Экология һәм җир асты байлыкларыннан файдалану проблемалары институты, Татарстанның Хайваннар дөньясы объектларын саклау һәм файдалану идарәсе, Казан (Идел буе) федераль университеты, Идел-Кама дәүләти биосфера тыюлыгы хезмәткәрләре катнашты. Көн тәртибендә берничә сирәк төрнең статусын төгәлләү һәм Татарстан Республикасы Кызыл китабының өченче басмасын әзерләү белән бәйле мәсьәләләр каралды.
“Россия Федерациясе урман хуҗалыгының 2014 елгы төп эш йомгаклары һәм 2015 елга бурычлары” дигән бөтенроссия киңәшмәсе Мәскәү өлкәсе Красногорск шәһәренең Хөкүмәт йортында уза.
Киңәшмәдә башкарма хакимият органнарының урман бәйләнешләре өлкәсендәге 2014 елгы эшенә йомгак ясалачак, 2015 елга бурычлары билгеләнәчәк.
Киңәшмә эшендә РФ Хөкүмәте рәисе урынбасары Александр Хлопонин, ТР табигый байлыклар һәм экология министры Сергей Донской, РФ табигый байлыклар һәм экология министры урынбасары – Рослесхоз җитәкчесе Иван Валентик, Дәүләт Думасының Табигый байлыклар, табигатьтән файдалану һәм экология комитеты рәисе Владимир Кашин, федераль башкарма һәм закон чыгару хакимияте органнары, Россия Федерациясе субъектларының башкарма хакимият органнары җитәкчеләре, бизнес һәм җәмәгать оешмалары вәкилләре катнашачак.
ТР Урман хуҗалыгы министрлыгы Хөкүмәт йортында тармакның тормышка ашырылган һәм перспективадагы төп үсеш проектларыннан экспозиция урнаштырды.
Лубян урман-техник колледжы базасында үткәрелгән семинарда министр в.б. Харис Мусин рәислек итте. Семинар эшендә республика урман хуҗалыгының 200ләп белгече катнашты. Аның беренче, теоретик өлешендә сүз урман культуралары сезоны һәм янгын куркынычы дәверенә әзерлек турында барды. Шул темаларга урманнарны яңарту һәм урман үрчетү бүлеге башлыгы Илгизәр Зарипов һәм урман саклау секторы мөдире Нияз Таҗмиев чыгыш ясады.
“Урта мәктәпләрдә уку елы тәмамлана, бу урман бистәләре һәм авыл җирлекләре мәктәпләре укучылары белән профориентация әңгәмәләре үткәрергә иң уңай вакыт”, – дип белдерде семинарда ясаган чыгышында дәүләти служба һәм кадрлар секторы мөдире Айрат Әхмәров. – “Аннан тыш, югары уку йортларында җитештерү практикасы башлана. Дипломлы белгечнең урман хуҗалыгында калу-калмавы студентны ничек каршы алуга, аның урманчылыктагы эше ничек нәтиҗәле оештырылуга бәйле.”
Семинар эшендә “Көнчыгыш Европа урман станциясе” ФБУ ВНИИЛМ филиалы директоры Айнур Пуряев та катнашты. Ул республика урман фондында агачны агрегат техника кулланып интенсив кисү алымнары турында сөйләде.
Семинарның практик өлешендә анда катнашучылар, Лубян урман-техник колледжы директоры Афанасий Данилов белән бергә, урман питомнигына һәм янгын-химия станциясенә бардылар.
Фестивальнең максаты – район мәгариф оешмаларының мәктәпкәчә яшьтәге балаларга экологик тәрбия бирү, аларны чишүдә гамәли катнашу буенча инновацион идеяләрен күрсәтү иде. “Әкият” балалар бакчасында узган фестивальдә “Мин пластик шешәләр һәм аларны куллану турында ниләр беләм” дигән темага экологик идеяләр һәм аларны яклау күрсәтелде, “Кирәксез әйберләрнең могҗизалы үзгәрешләре” дигән мастер-класс үткәрелде, балаларның ташландык һәм икенчел материаллардан эшләгән әйберләре күргәзмәсе оештырылды.
Фестивальдә “Озын Алан” тыюлыгы башлыгы В.П.Никитин һәм 1нче категорияле белгеч Т.А.Никитина катнашып, балалар белән үткәрә торган экологик агарту эшләре турында сөйләде. В.П.Никитин балалар бакчасы мөдире Т.Н.Яшуковага хезмәттәшлек өчен рәхмәт белдереп, аңа “Озын Алан” тыюлыгы дипломын һәм балаларның “Урман дозоры” дигән иҗади эшләр җыентыгын тапшырды.
“Шәһәр яны урманчылыгы” ДКИ, “Өйрәнү-тәҗрибә шәһәр яны урман хуҗалыгы” ДБИ һәм “Урман янгыннары үзәге” ДБИ хезмәткәрләре җыелышында урман хуҗалыгы елы нәтиҗәләре анализланды, оешмаларның эшен һәм эш шартларын яхшырту буенча тәкъдимнәр әйтелде. Аннары урман хуҗалыгы хезмәткәрләре бүләкләнде, иң яхшы җитештерү участоклары билгеләп үтелде. Бүләкләрне дәүләт службасы һәм кадрлар мәсьәләләре секторы мөдире Айрат Әхмәров тапшырды.
Шахмат ярышлары өч көн буе Р.Г.Нәҗметдинов исемендәге республика шахмат мәктәбе базасында узды. Команданы аренда мөнәсәбәтләре бүлегенең башкаручы белгече Эльмира Наумова, урманнарны яңарту һәм урман үрчетү бүлегенең башкаручы белгече Тимур Галиев, урманнарны яңарту һәм урман үрчетү бүлеге башлыгы Илгизәр Зарипов, дәүләт контроле һәм күзәтчелеге бүлегенең башкаручы консультанты Андрей Артамонов, урман саклау секторы мөдире Нияз Таҗмиев тәшкил итте.
Бүген министр в.б. Харис Гайнетдинович Мусин Балык Бистәсе районы Күки урта мәктәбе укучылары белән очрашты. Үсмерләргә ул урманның күптөрле әһәмияте, республика экономикасындагы, һәр кеше торышындагы роле турында сөйләде.
Мәктәп укучылары белән очрашуның төп темалары булып тере табигать белән аралаша белү, урман бүләкләрен аңлы куллану, урманчы һөнәренең күркәм сыйфатлары торды.