ЯҢАЛЫКЛАР

Миргазыян Насретдин улы Шәйхетдинов – Бөек Ватан сугышы ветераны. 1986 елга кадәр Азнакай урманчылыгында урманчы булып эшләгән. Төп эшләре территорияләрне күзәтү һәм контрольдә тоту: урманны янгыннан, башбаштак кисүдән саклау, урманнан файдаланучыларны тикшерү булган. Урманчы көн саен иҗади эштә булган, һәр агачка хуҗаларча караган, ул эшне һәрчак сыйфатлы башкарган. Ветеранны юбилее белән “Азнакай урманчылыгы” ДКИ җитәкче-урманчысы И.Р.Кашапов котлады, урманчылык коллективы һәм профсоюз оешмасы исеменнән аңа сәламәтлек һәм иминлек теләде. 

Моның өчен инспекторлык хезмәтендә 51 транспорт чарасы, шул исәптән 22 автомашина, 9 моторлы көймә, 2 катер, 18 снегоход бар. Татарстан дәүләти табигать тыюлыклары инспекторлары 2014 елда уз бурычларын үтәгәндә 2122 рейд үткәрде, шул вакытта табигать саклау законнарын бозуның 745 очрагы ачыкланды. Шул фактлар буенча 669 беркетмә, шул исәптән административ хокук бозу турында 535 беркетмә һәм табигатьтән законсыз файдалану коралларын йолып алу турында 134 беркетмә төзелде. 

Викторина Арча районы Яңа Кырлай урта мәктәбендә үткәрелде. 7 класс укучылары, ике командага бүленеп, республикабызда яшәүче кошлар тормышы турында кызыклы итеп сөйләргә, викторина сорауларына җавап бирергә тиеш иде. Инспекторлар, балаларга өстәп, үз күргәннәре турында сөйләделәр, командаларның әзерлегенә бәя бирделәр. Иң актив катнашучылар “Ашыт” табигать тыюлыгының Рәхмәт хатлары белән бүләкләнде.

Шундый әзерләүләрнең берсе Һиндстаннан китерелгән дөньяда иң зур күбәләкне – Тутыйкүзне лаборатор шартларда үрчетү белән бәйле. Методика уңышлы гына түгел, күркәм дә булып чыкты: институт лабораторияләрендә әледән-әле, кешеләрдән курыкмыйча, “коңгырт күзле” бик зур тутыйкүзләр оча, кулга да куна. Методның авторлары һәм эшләүчеләре – ВНИИЛМ Урманнарны биологик яклау алымнары лабораториясе җитәкчесе, биология фәннәре кандидаты Юлия Сергеева һәм лабораториянең фәнни хезмәткәре Андрей Загоринский хәбәр чаралары вәкилләре өчен махсус акция үткәрде. 

Татарстан Урман хуҗалыгы министрлыгы эшләр идарәчесе һәм дәүләти контроль һәм күзәтчелек бүлегенең башкаручы консультанты вазифалары буенча Министрлыкның кадрлар резервына кертелү хокукына конкурс игълан итә. 

Балтач районы буенча ТР Хайваннар дөньясы объектларын саклау һәм куллану идарәсе инспекторы А.Г.Хәкимҗанов белән бергә тыюлыкның табигать һәйкәле булган Нормабаш кишәрлегендә җәнлекләрне тукландыру үткәрелде. Барлыгы 300 кг арпа салынды, аны “Азык” ҖЧҖ директоры С.М.Исрафилов иганә буларак бирде. 

2014 ел йомгаклары буенча бирелгән оператив белешмәләр буенча, Россия Федерациясенең бюджет системасына урманнардан файдаланган өчен 3 414.3 млн сум түләүләр кертелгән, шул исәптән – федераль бюджетка – 2 115.1 млн сум; округ субъектлары бюджетларына – 1 299.2 млн сум. 2014 елда федераль бюджетка урманнардан файдаланган өчен түләүләр кертүнең план йөкләмәсе 103.5%ка үтәлгән. Урманнардан файдаланган өчен федераль бюджетка түләүләр 2013 елга карата 9.6%ка күбрәк кергән. Федераль бюджетка план йөкләмәсе округның 6 субъектында: Киров өлкәсендә, Пермь краенда, Пенза өлкәсендә, Марий Эл республикасында, Чуашстан республикасында, Самар өлкәсендә үтәлмәгән. Урманнардан файдаланган өчен федераль бюджетка түләүләр буенча бурычлар 560 млн сум, бу 2014 ел башына карата 5.4%ка күбрәк. Бурычлар Мордовия, Удмуртия, Чуашстан республикаларында, Киров, Түбән Новгород, Оренбург, Самар һәм Ульяновск өлкәләрендә, Пермь краенда үскән. Федераль бюджетка бурычның иң зур үсеше Киров өлкәсендә теркәлгән. ИФО буенча Урман хуҗалыгы департаменты округның урман мөнәсәбәтләре буенча вәкаләтле башкарма хакимият органнары алдына куя торган төп мәсьәлә – агымда билгеләнгән түләүләр буенча бурычлар барлыкка килүгә юл куймау һәм узган чорлардагы бурычларны мәҗбүри түләтүләр буенча тулы күләмле чаралар күрү. Татарстан Республикасыннан 2014 елда федераль бюджетка урманнардан файдаланган өчен түләүләр кертү планы 98419 мең сум, фактта 154425 мең сум түләү кертелгән. (ИФО Урман хуҗалыгы департаменты белешмәсе) 

Тыюлык белгечләре бакча балаларына кышкы суыкларда кошларның кеше яшәгән урыннарга якынрак җыелуы, бу вакытта алар өчен җимлекләр эләргә кирәклеге турында сөйләде. Шуннан соң балалар, олылар белән бергә җимлекләр ясап, аларны бакча ишегалдына чыгарып элделәр.

Азакта инспекторлар балаларга кошларны нинди көннәрдә ничек ашатырга кирәклеген, гел ашатып торсаң киләсе язда кошларның күбрәк булачагын, ә аларның агачларны зарарлы бөҗәкләрдән саклаячагын аңлаттылар.

Министрлыкта яңа урманнарга нигез салырга карар ителде. Күмәк Урман утырту көннәре Бөек Ватан сугышында һәлак булганнарның, сугыш ветераннарының истәлеген саклауга булышачак. Истәлек аллеяларын һәм скверларын нигезләү былтыр көздән үк башланган иде.

Әлегәчә муниципаль берәмлекләрдән белешмәләр җыелып анализланды, алардан күренгәнчә, 2015 елда Җиңү урманнарында 400 мең үсенте утыртылырга тиеш. Министрлык патриотик акциядә катнашырга теләүчеләрнең барысын да югары сыйфатлы утырту материалы белән тәэмин итәргә әзер.