ЯҢАЛЫКЛАР

Әгерҗе урманчылыгында урманчылар мәктәп укучылары белән берлектә кошлар өчен оялар элде. Каникул узгач урманчылык белгечләре балаларны "Орешник" урман-парк зонасына алып чыкты, табигать аларны язгыча кояшлы каршы алды.

Әгерҗе шәһәренең 4 нче мәктәбендәге дүртенче сыйныфта укучы балалар өчен урманга сәяхәт чын бәйрәмгә әверелде. Ата-аналары белән бергә укучылар кулы белән ясалган җимлекләр һәм сыерчык оялары урман аллеясында үз урыннарын тапты. Кошларның сайравы гына түгел, ә алар турында күңел биреп кайгыртуы да балалар өчен күңелле булды.

"Табигатьне ярату – аның гүзәллегенә сокланудан битәр, аңа карата сакчыл карау да", – дип билгеләде урманчылык җитәкчесе урынбасары В.Л. Ишморатова.

Урманчылар балалар белән урманның әһәмияте турында, урманда үзеңне ничек тотарга кирәклеге һәм яшеллекне тәрбияләүнең әһәмияте турында әңгәмә уздырды. Бу көнне балалар урманның һәм кошларның файдасы турында бик күп кызыклы мәгълүмат белде. Чара тәмамлангач балалар татлы бүләкләр алды.

Исегезгә төшерик, быел Татарстан урманнарында урманчылар 3000 сыерчык оясы эләчәк.

Татарстан Республикасы урман хуҗалыгы министры Равил Кузюров Россия Федерациясе урман хуҗалыгының 2017 елгы төп эш йомгаклары һәм 2018 елга бурычлары хакында фикер алышуда катнаша.

Пленар утырышны Россия Федерациясе табигать ресурслары һәм экология министры урынбасары – Федераль урман хуҗалыгы агентлыгы җитәкчесе Иван Валентик уздыра, чарада шулай ук Россия Федерациясе Президентының табигать эшчәнлеге, экология һәм транспорт мәсьәләләре буенча махсус вәкиле Сергей Иванов, Дәүләт Думасының табигать ресурслары, мөлкәт һәм җир мөнәсәбәтләре комитеты рәисе Николай Николаев һәм Россия Федерациясе Федераль Җыены Федерация Советының аграр-азык-төлек һәм табигатьтән файдалану сәясәте комитеты рәисе урынбасары Владимир Лебедев катнаша.

Киңәшмә барышында узган елга йомгак ясалачак һәм быел урман комплексында торган бурычлар билгеләнәчәк. Киңәшмәнең төп мәсьәләләре – Россия урманнарын саклау, яклау һәм үрчетү, урман янгыннарына каршы көрәшү һәм урманга зыян салучы эпидемияләргә каршы тору, урманнан файдалану буенча интенсив модель кертү һәм урман өлкәсендәге закон яңалыклары, "кара агач кисүче"ләр белән көрәшүдә һәм агач материалының законсыз әйләнешен туктатуда актуаль ысуллар.

Бүген Казанның Дәрвишләр урманындагы Каенлык аланында, шәһәр халкының яратып ял итә һәм спорт белән шөгыльләнә торган урынында Татарстан Республикасы Урман хуҗалыгы министрлыгы хезмәткәрләре Халыкара кошлар көненә багышланган акция уздырды. 10 сыерчык оясы эленде.

Кошлар өчен ояларны мәктәп укучылары хезмәт дәресләрендә урманчылар биргән материаллардан ясаган. Мәктәп урманчылыклары программасы кысаларында балаларга урман һәм анда яшәүче тереклек ияләре турында сөйлиләр, алар белән бергә сыерчык ояларын эләләр һәм балаларга бүләкләр бирәләр. Республика урманнарында барлыгы урманчыларның тырышлыгы белән 3000 тирәсе сыерчык оясын элү планлаштырыла. 

Чара кысаларында урманчылар сыерчык оясын ничек итеп дөрес эләргә кирәклеге турында сер уртаклашты. Кошлар өчен ояларны көнчыгыш юнәлешендә, юл өлешеннән ерактарак, агачка кимендә дүрт метрлы биеклектә, канатлы дуслар кешеләрдән курыкмаслык итеп эләргә кирәк. 

Бу көннәрдә өч ведомство хезмәткәрләре урман янгыннарын сүндерү тактикасын һәм техникасын эшләп карады. Янгын чыгу куркынычы янаган чорга әзерлек кысаларында "Бөгелмә урманчылыгы" ДКУ, "Бөгелмә урман хуҗалыгы" ДБУ һәм Бөгелмә муниципаль районы буенча янгынга каршы федераль хезмәтнең үзара хезмәттәшлеге буенча укулар узды. Чара барышында шулай ук ирекле янгын дружинасы әгъзалары да урман янгыннарын сүндергәндә хезмәт сагы һәм куркынычсызлык техникасы буенча укулар узды. Быел янгын чыгу куркынычы янаган чор Татарстанда 15 апрельдә башланачак.  

Бүген "Боҗра" үлчәү контролендә дәүләт урман инспекторлары Татарстан Республикасы буенча Эчке эшләр министрлыгы, ТР буенча ЮХИДИ, "Юл хәрәкәте иминлеге" АКО хезмәткәрләре белән берлектә агач һәм агач кисү материалларын ташуга рөхсәт документларын тикшерү буенча рейд уздырды.

2018 ел дәвамында рейдлар барышында 8 хокук бозу факты ачыкланды. Болар – агач кисү материалларын рөхсәт документларыннан башка, шулай ук сату-алу турында алыш-бирешләрне ЛесЕГАИС системасында теркәмичә транспорт белән күчерү.

Хокук бозуга юл куйган затларга карата административ хокук бозулар турында беркетмәләр төзелде, транспорт чаралары махсус тукталышларга урнаштырылды.

Татарстан Республикасы Урман хуҗалыгы министрлыгы искәртә: урман законнарында билгеләнгән тәртиптә рөхсәт документларын рәсмиләштермичә агач материалын транспорт чарасы белән күчерү – вазыйфаи затларга, агач материалын яки административ хокук бозу коралы булган транспорт чараларын конфискацияләп, утыз мең сумнан илле мең сумга кадәр административ штраф салынуга китерә. Юридик затлар өчен штраф биш йөз мең сумнан җиде йөз мең сумга кадәр тәшкил итәчәк.

Татарстан Республикасы Урман хуҗалыгы министрлыгы хезмәткәрләре гражданнарны игътибарлы булырга һәм урланган агач сатып алмаска чакыра. Сатып алынган агач материалының законлы булу-булмавын Интернетта – ЛесЕГАИС  системасындагы rosleshoz.gov.ru сайтында тикшереп карарга була – бу агач материалын һәм аның белән алыш-бирешләрне исәпкә алуның бердәм мәгълүмат системасы. Агачларны законсыз кисү яки башка төрле хокук бозулар турында урман сагының турыдан-туры телефон номеры – 88001009400 буенча хәбәр итәргә була.

Үзгәрешләр Россия Федерациясе Урман кодексының 32 статьясына кертелә.  Дәүләт думасы җирдә яткан корыган агачларны, ботакларны һәм чыбык-чабыкны түләүсез җыярга рөхсәт итә торган закон проектын хуплады. Коры-сары хәзер урманның агач ресурсларына керми.

Закон авторлары билгеләгәнчә, аның проекты гражданнардан килгән, озакка сузыла торган рөхсәт документларын рәсмиләштерү процедурасын узмыйча, зур булмаган күләмдә агач коры-сарысыннан файдалану мөмкинлеге булмау турында күпсанлы мөрәҗәгатьләргә нигезләнеп эшләнгән.

"Дәүләт хакимиятенең вәкаләтле органнары урманнарны җирдә яткан коры-сарыдан чистартырга өлгерми, бу исә янгынга каршы вәзгыятькә тискәре йогынты ясый, ә коры-сары җыю кагыйдәләре гадәти агач материалы әзерләү белән бертигез дәрәҗәдә билгеләнгән. Күпләгән санлы гражданнар көн саен коры-сары җыеп, хокук боза торган вәзгыять барлыкка килә", – диелә аңлатма язуында.

Яңа закон әлеге проблеманы хәл итәчәк. РФ Урман кодексының 32 статьясының 2 өлешенә "коры-сары" төшенчәсе кертелә, бу исә аны гражданнар тарафыннан шәхси ихтыяҗлар өчен агач булмаган урман ресурсы буларак әзерләү һәм җыю мөмкинлеген бирә.

Закон 2019 елның 1 гыйнварында үз көченә керә.

Бүгенге көндә Татарстан Республикасының Урман селекция-орлыкчылык үзәгендә ылыслы токым орлыкларының 1 нче ротациясе чәчелде. Болар –  500 мең данә күләмендә гади чыршы, шулай ук нәселдәнлек үзлекләре яхшыртылган гади нарат. Нәселдәнлек үзлекләре яхшыртылган утырту материалы югары продуктлылык сыйфатына һәм үсеп китү сәләтенә ия. Хәзерге вакытта теплицаларда кирәкле микроклиматны автомат рәвештә саклау һәм утыртылган материалларга су сибү эшләре башкарыла. Әлеге эшләр 2018 елның май аена кадәр дәвам итәчәк.

Студентлар “Урман турында серләр” викторинасында актив катнашты, сорауларга җавап бирде, урман ресурсларын саклау өчен үзләренең алымнарын тәкъдим итте, урман турында җырлар җырлады, тематикага бәйле видеоклиплар карады. Максат – урман байлыкларын саклау һәм үрчетү эшендә актив яшәеш позициясе формалаштыру.

Чарада студентларны урман тармагындагы эш, урманнарны – илебезнең төп байлыкларының берсен саклау һәм үрчетү буенча көн саен тырышлык күрсәтүче кешеләр белән якыннанрак таныштырдылар. Чара азагында барлык кунакларны һәм чарада катнашучыларны тәм-томнар белән сыйладылар.

Татарстан Республикасы Урман хуҗалыгы министрлыгы, Экология һәм табигый ресурслар министрлыгы хезмәткәрләре, шулай ук “Чиста булачак” хәрәкәте активистлары, Рус география җәмгыятенең төбәк бүлеге әгъзалары, Казанның 24 нче мәктәп укучылары “ЭКОвесна 2018” кысаларында “Имәнлек” урман паркы территориясендәге экологик рейдта катнашты. Экологлар чаңгы трассасы буйлап җыештыруга кагылышлы эко-рейд уздырды. Урманчылар балаларга сыерчык ояларын эләргә булышты.

ТР Урман хуҗалыгы министрлыгында чираттагы мәртәбә кадрлар алмашынды. Бүген аппарат киңәшмәсендә урман хуҗалыгы министры Равил Кузюров оештыру эше бүлеге башлыгы Ләйсән Мирсәетовага һәм эшләр белән идарә итүче Николай Золотовка күп еллык хезмәт өчен рәхмәтен белдерде. Алар башка эшкә күченде. Хезмәткәрләргә мактау кәгазьләре тапшырылды.

Равил Кузюров шулай ук оештыру эше буенча бүлекнең яңа башлыгы Наталья Тюкаева белән таныштырды. Элегрәк ул Нурлат районы хакимиятендә эшләгән иде.