ЯҢАЛЫКЛАР

Идел-Чулман дәүләти табигый биосфера тыюлыгындагы Раифа урманының 37 кварталында үсүче Гади наратка (Pinus silvestris L.) карата мондый карарны РФ Федерация Советында Милләтнең табигый мирасын саклау советының сертификацияләү комиссиясе кабул итте.

         “Агачлар – тере табигать ядкәрләре” бөтенроссия программасында республикабызның тагын бер “илче”се катнашты: 2013 елда “Озын Алан” дәүләти табигый тыюлыгында, Советның башкарма дирекциясе эгидасы белән, горно-алтайск чыршысына табигый ядкәр статусы һәм махсус тамга  бирелде. Нәкъ менә шушы агачтан башлап Бөтенроссия программасы старт алды да инде.

Хәзерге вакытта бүлектә Саба һәм Минзәлә урманчылыкларында үсүче башка истәлекле агачларга карата да документлар әзерләнә.

Делегация составына ТР Урман хуҗалыгы министрлыгы вәкилләре – министрның беренче урынбасары Харис Мусин, урманнарны яңадан үстерү һәм урман үрчетү бүлегенең әйдәп баручы киңәшчесе Тимур Галиев һәм “Саба урманнары” ҖЧҖнең коммерция директоры Азат Миңнехановлар керде.

         Визит барышында Татарстанның урман хуҗалыгы вәкилләре Төркмәнстанның Табигатьне саклау министрлыгы җитәкчелеге белән очрашты һәм тармакның торышы һәм үсеш перспективалары турында сөйләште. Төркмәнстанның зур шәһәрләрен яшелләндерү буенча киң кырлы планнарны исәпкә алып, Ашхабадтан килгән хезмәттәшләр яшелләндерү һәм саклык урманнарын үрчетү өлкәсендә ике республика арасындагы хезмәттәшлеккә карата кызыксынучанлыклары барлыгын белдерде.

Төркмән җирендә Татарстан Республикасының Урман селекция-орлыкчылык үзәгендә үстерелгән чәчкеннәр утыртылды.

27 июль иртәсенә карата, узган атна дәвамында республика территориясендә урман янгыннары теркәлмәде.

Синоптиклар фаразынча, киләчәк атна аз болытлы булачак, коры, эссе һава торышы әйләнеп кайта. Шуңа бәйле рәвештә Министрлык гражданнарга һәм республика кунакларына гозер белән мөрәҗәгать итә: урманда булган чакта янгын куркынычсызлыгы кагыйдәләрен үтәргә. Россия Федерациясенең барлык территориясендә урман сагы буенча туры элемтә телефоны 8-800-100-94-00 (шалтырату бушлай).

ТР Урман хуҗалыгы министрлыгы һәм Казан Федераль университетының Алабуга институты белән ике арадагы килешү нигезендә Татарстан Республикасы территориясендә елга каракошы, кабер каракошы һәм тавышлы зур каракош ояларын мониторинглау эшләре дәвам итә.

         Эш барышында ояларда кошлар булу, аларның нәтиҗәле үрчеме ачыклана, кошларны боҗралау башкарыла. “Спас”, “Чиста болыннар”, “Свияжски”, “Кичке таң”, “Иван наратлыгы”, “Лобач тавы” ДТКТ территорияләрендә, “Чуртан таулары” (“Щучьи горы”) табигый ядкәрендә, Куйбышев сусаклагычы акваториясендәге утрауларда төп эшләр башкарылды.

Моның өчен министрлык буйсынуындагы “Урман хуҗалыгы” дәүләт бюджет учреждениеләре тарафыннан урманнар коры-сарыдан һәм федераль һәм региональ әһәмияттәге автоюлларның буйлары чүп-чардан чистартыла. Барлыгы 251 гектар мәйданда 7 мең кубометр агач әзерләнде һәм чыгарылды. Ял урыннары һәм янгынга каршы аншлаглар яңартылды.

         Республика урманнарында санитар эшләр дәвам итә.

Хәзерге вакытта Министрлык белән Кырым Республикасының Урман һәм аучылык хуҗалыгы комитеты арасында даими телефон элемтәсе эшләп тора, РФ Урман кодексының хокукый кырында эшләү буенча тиешле киңәшләр бирелә.

         Кырым студентларының квалификациясен үстерү буенча Казан (Идел буе) федераль университетының Икътисад һәм хокук институты базасында Министрлыкта Кырым Республикасы урман хуҗалыгы белгече Әхтәм Миметов стажировка үтте, ул урман хуҗалыгы хезмәткәрләренең семинарлар эшендә катнашты һәм Арча урманчылыгы белән Арча урман хуҗалыгының урман һәм җитештерү кишәрлекләрендә булды.

Узган атнада, 2015 елның 20 июль иртәсенә карата, Татарстан Республикасының урман фонды җирләрендә янгыннар теркәлмәде.

Федераль урман хуҗалыгы агентлыгы җитәкчесе Иван Валентик, селектор киңәшмәсендә чыгыш ясап, быел янгыннар чыгу күрсәткече 2014 елның шушы чоры белән чагыштырмача түбәнрәк, дип хәбәр итте. Бу урманнардагы янгыннар санына да, янгын чыккан урыннарның мәйданнарына да кагыла. РФ субъектлары тарафыннан тапшырылган мәгълүматларга караганда, урманнардагы янгыннар саны 31%ка, янгыннарның гомуми мәйданы 13%ка кимегән.

Киңәшмә эшендә Татарстаннан урман хуҗалыгы министрының беренче урынбасары Харис Мусин катнашты. Урман янгыннарын кисәтү һәм сүндерү буенча комплекслы башкарылган оештыру һәм гамәли чаралар нәтиҗәсендә, 15 июльгә кадәр булган мәгълүматлар буенча, республика территориясендәге урманнарда янгыннар теркәлмәде. Бүген урман янгыннарын сүндерү формированиеләренең саны 23 янгын-химия станциясендә 824 кеше тәшкил итә, бу станцияләрнең 18е – II типлы, 5се – III типлы.

            Хәзерге вакытта язын корылган янгынга каршы минеральләштерелгән полосаларны яңарту эшләре алып барыла.

13.07.2015

Семинарга министрның беренче урынбасары Харис Мусин җитәкчелек итте. Семинарда катнашучылар – җитәкче-урманчылар, кишәрлек урманчылары, урман осталары, урманны саклау һәм яклау буенча инженерлар, министрлык белгечләре.

         Семинар барышында Дәүләт йөкләмәсе нигезендә эшләр башкарылган урман кишәрлекләре, җитештерү кишәрлекләре, урман питомнигы, төзекләндерелгән ял урыннары каралды.

         Министрлыктагы бүлекләрнең башлыклары мәгълүмати чыгыш ясады һәм урман хуҗалыгы чараларының төп юнәлешләре буенча теоретик һәм гамәли киңәшләрен җиткерде.

“Агачлар – тере табигать ядкәрләре” Бөтенроссия программасы буенча Тәтеш муниципаль районындагы “Озын Алан” табигый тыюлыгы территориясендә үсүче 125 еллык Горно-Алтайск чыршысы “Тере табигать ядкәре” статусына ия булды инде.

            Министрлыкның биотөрлелек бүлеге тарафыннан анкета – Идел-Чулман дәүләт табигый биосфера тыюлыгының 37 кварталы территориясендәге гади наратка (Pinus silvestris L.) “Тере табигать ядкәре” статусы бирү буенча Сертификацияләү комиссиясенә гариза әзерләнде. Агачның яше – 250-270 ел, ул Раифа күле ярында урнашкан. Агач Емельян Пугачевның һәм аның көрәштәшләренең Казаннан качып китүенә шаһит булган. Риваятьләргә караганда, Раифа монастырена килеп җиткәч, ул аны яулап алмакчы була, әмма уңышсызлыкка дучар була.