ЯҢАЛЫКЛАР

Быелгы «Парклар маршы» табигать саклау акциясе шундый девиз астында узды. Максаты – аеруча саклаулы табигать территорияләренең экологик әһәмиятен пропагандалау, яшь буында су ресурсларына һәм сулыклар тереклегенә карата сак мөнәсәбәт тәрбияләү иде. Бу халыкара акциянең Россия координаторы – Мәскәү ш. Кыргый табигатьне саклау үзәге булды.

Акция Татарстанның 20 муниципаль районында, белем үстерү, конкурслар, хезмәт, бәйрәм, хисап этапларында уздырылды. Республиканың дәүләти табигать тыюлыклары администрацияләре оештырган чараларда 25.4 меңнән артык кеше катнашты. Бу эштә 279 предприятие һәм оешма актив ярдәм күрсәтте.

Акция кысаларында урманнарны, сулык ярларын чүп-чардан чистарту, яшелләндерү һ.б. буенча 122 экологик десант оештырылды, аларда 9 меңләп кеше катнашты. «Парклар маршы»н 26 хәбәр чарасы яктыртты, 20 газетада 34 мәкалә бастырылды.

«Тыюлы табигать дөньясы» балалар рәсемнәре конкурсында республиканың 199 мәктәбеннән 4276 бала; «Кыргый табигать утраулары» фотоконкурсында 186 мәктәптән 2394 бала; «Лукоморье» хикәяләр, әкиятләр, шигырьләр конкурсында 171 мәктәптән 1644 бала катнашты.

Конкурсның бурычы – урман комплексында эшләүчеләр арасында Татарстан беренчелеген тергезү һәм тармак хезмәткәрләренең һөнәри осталыгын күтәрү иде. Анда барлык тармак оешмаларының агач аударучы яисә форвардер һәм харвестер операторы квалификациясенә ия булган эшчеләреннән торган командалар катнаша.

Конкурсны ачканда ТР урман хуҗалыгы министры Наил Мәһдиев: «Татарстанның урман хуҗалыгы эшчәннәре алдында урманнарны саклау һәм яңадан торгызу бурычлары гына түгел, алардан рациональ файдалану бурычлары да тора. Бу заманда яңадан-яңа технологияләр, инструментлар барлыкка килә һәм камилләшә, ә урман кисүче, харвестер һәм форвардер операторы һөнәре урман комплексында иң алдынгы һәм хөрмәтле һөнәргә әверелеп килә», – дип белдерде.

Ярышларның төп судьясы – Вологдадан килгән, мондый ярышларда судьялык итү буенча инде унбиш еллык тәҗрибәсе булган Николай Орлов иде, ул конкурсны оештыру кимәлен һәм катнашучыларның осталыгын югары бәяләде.

Ярышлар программасы берничә этаптан торды: урман кишәрлегендә агач аудару, бензин пычкысының чылбырын алыштыру, комбинацияле кисү юлы белән агач бунау, төгәл бунау, ботак кисү һәм команда эстафетасы. Шобагадан соң һәр командага Мишәбаш участок урманчылыгында кишәрлек бүлеп бирелде. Һәр номинациядә җиңүчеләр билгеләнде. Призлы урыннарны Саба өйрәнү-тәҗрибә урман хуҗалыгы, «Нурлатлес» һәм «Арчалес» дәүләти бюджет оешмалары алды.

Җиңүчеләрдән торган Татарстан җыелма командасы агач аударучыларның 19-21 июньдә Киров өлкәсендә узачак Россия чемпионатында катнашачак.

Татарстан урман хуҗалыгы министры Н.Г.Мәһдиев һәм ТР Урман хуҗалыгы министрлыгының урманнарны яңадан торгызу һәм урман үстерү бүлеге башлыгы И.Н.Зарипов «Россия имәнлекләре» проектын тормышка ашыру һәм үстерү кысаларында, сабакчалы имән чикләвекләрен озайлы саклау технологияләрен һәм ылыслы токым үсентеләрен әзерләүдәге заманча инновацияләрне өйрәнү мәсьәләсе буенча Польша Республикасына һәм Швеция Корольлегенә бардылар.

Визит барышында алар, ВСС АВ (Швеция) компаниясеннән булган коллегалар белән бергә төзелгән программага һәм Польша Республикасының дәүләт урманнары баш офисыннан (Варшавадан, Краковтан) булган коллегалар белән килешүләргә ярашлы рәвештә, Швециядәге «Выбиторп» питомнигында ябык тамыр системалы, эрерәк кассеталарга күчереп утыртмалы микрошытымнар үстерүнең иң яңа технологияләре белән таныштылар, Польшада Урман геннары банкын һәм ябык тамыр системалы сабакчалы имән шытымнарын үстерү питомнигын карадылар.

Делегация эшендә БМО ЮНИДО буенча Россия проектлары җитәкчесе Б.Мельничук та катнашты.

Бүген Татарстан Президенты Рөстәм Миңнеханов Казан үзәгендәге яңа төзелеш объектларын һәм яңадан торгызырга кирәкле тарихи биналарны күзәтеп йөрде. Аны Казан мэры Илсур Метшин, ТР Президенты ярдәмчесе Олеся Балтусова, ТР төзелеш, архитектура һәм торак-коммуналь хуҗалык министры Ирек Фәйзуллин, ТР мәдәният министры Айрат Сибгатуллин озата йөрде.

Күзәтүдә катнашучылар сәүдәгәр Бигаевның ТР Урман хуҗалыгы министрлыгы яңадан торгызган агач йортында булдылар (Париж Коммунасы ур., 18). Аның күршесендә исә 1861 елгы ярым җимерек «Кәримовлар типографиясе һәм хәрефханәсе» дигән, Б литерлы мәдәни мирас булган кирпеч бина тора. Бу бинаны сатып алган инвестор бүген Татарстан Президентын: алда торган эшләр катлаулы булса да, бина торгызылачак, дип ышандырды.

Конкурска республика мәктәпләрендә укучыларның 300дән артык эше өч номинациядә тапшырылган иде: фотографияләр («Кыргый табигать утраулары»); рәсемнәр («Тыюлы табигать дөньясы»); әдәби эшләр («Лукоморье»). Татарстан Урман хуҗалыгы министрлыгының акцияне үткәрү буенча эш төркеме, тапшырылган материалларны анализлап һәм фикер алышып, «Парклар маршы 2014» конкурсында җиңүчеләрне атады. Аларга дипломнар һәм призлар биреләчәк.

Конкурсның бурычы – урман комплексында эшләүчеләр арасында Татарстан беренчелеген тергезү һәм тармак хезмәткәрләренең һөнәри осталыгын күтәрү. Анда барлык «Урман» дәүләти бюджет оешмаларының агач аударучы яисә форвардер һәм харвестер операторы квалификациясенә ия булган эшчеләреннән торган командалар катнаша.

Ярышлар программасы берничә этаптан тора: урман кишәрлегендә агач аудару, бензин пычкысының чылбырын алыштыру, комбинацияле кисү юлы белән агач бунау, төгәл бунау, ботак кисү һәм команда эстафетасы. Йомгаклар буенча Кировта узачак Бөтенроссия конкурсында катнашу өчен Татарстан җыелма командасы төзеләчәк.

ТР урман хуҗалыгы министры вазифаларын башкаручы Харис Мусин республика урманнарында аеруча янгын куркынычы режимы кертелүгә багышланган брифингта катнашты. Ул журналистларга Татарстан территориясендә һава гадәттән тыш эссе тору һәм бишенче класслы янгын куркынычы барлыкка килү сәбәпле урман фондында профилактика чаралары үткәрелү, урманнарны җирдән һәм һавадан күзәтүләр турында сөйләде. Хәбәр чараларында урманнарда үз-үзеңне тоту кагыйдәләрен аңлатуны, урманнарга баруның һәм транспорт чаралары кертүнең чикләнүе турында белешмәләр бирүне сорады.

Татарстан Урман хуҗалыгы министрлыгының 2014 елның 10 апреле боерыгына ярашлы рәвештә үткәрелүче «Уылдык чәчү – 2014» операциясе барышында Татарстан дәүләти табигать саклау инспекторлары республика сулыкларында 244 табигать саклау законнарын бозу очрагын ачыклады. РФ КоАП 8.39 статьясы буенча административ хокук бозу турында 98 беркетмә төзелде. РТ буенча Эчке Эшләр министрлыгына җинаять эше кузгату өчен 33 материал тапшырылды. Операция барышында табигать саклау законнарын бозучылардан 142 законсыз җиһаз, шул исәптән 133 җәтмә, шулай ук 172.4 кг балык йолып алынды. Физик затларга барлыгы 285 мең сумлык штрафлар салынды, 168.6 мең сумлык зыян дәгъвә ителде.

Аеруча янгын куркынычы режимы Татарстан Республикасы территориясендә һава гадәттән тыш эссе тору һәм бишенче класслы янгын куркынычы урнашу уңаеннан, халыкның тормышын һәм саулыгын саклау, әйләнә-тирәлеккә һәм мөлкәткә зыяннарны булдырмау, корылык нәтиҗәсендә ихтимал булган азык-төлек кытлыгыннан саклану максатыннан кертелде.

Әлдермеш авылы мәктәбе укучылары һәм укытучылары «Чулпан» тыюлыгы администрациясе оештырган өмәдә катнаштылар. 15 гектар мәйданда 6 кубометр чүп-чар җыелды.