ЯҢАЛЫКЛАР

Телеграммада В.И.Кашин Президентка Дәүләт Думасының Табигый байлыклар, табигатьтән файдалану һәм экология комитеты делегациясенең Татарстанга визитын оештыруда күрсәткән ярдәме өчен рәхмәт белдергән. Аның сүзләренчә, Комитет «чараларны оештыруның тиңе булмаганча югары дәрәҗәсен» бәяләгән. В.Кашин Россия Федерациясенең табигый байлыкларны һәм табигатьне саклау турындагы законнарын камилләштерү юлында, табигатьтән файдалану һәм экология өлкәсендәге башка көнүзәк проблемаларны чишүдә арытаба да конструктив һәм уңышлы хезмәттәшлеккә өмет белдерә.

«Кызыл Йолдыз урманчылыгы» дәүләти казна оешмасы һәм «Кызыл Йолдыз урманы» дәүләти бюджет оешмасы Балык Бистәсе районы Керәшен Казилесе авылындагы чиркәүнең  7 метр биеклеге төп бурасын һәм 5.1 метр биеклеге янкормасын салырга кереште. Алтарь бурасы һәм 4 метр биеклеге 2 чаң манарасы ташыла, идән һәм түшәм өчен агам материаллары әзерләнә.

Татарстанның дәүләти урман инспекторлары һәм табигать саклау инспекторлары 2014 елның 1 апреленнән 28 маена кадәр үткәрелгән рейдлар барышында урманнарда 120 рөхсәтсез каты көнкүреш калдыклары ташлау урынын ачыклады, әлегә кадәр барысы да бетерелгән.

Рейдлар барышында административ хокук бозу турында 75 беркетмә, шул исәптән РФ КоАП 8.39 ст. буенча 9 физик затка һәм 1 вазифалы затка, РФ КоАП 8.31 ст. буенча 65 физик затка беркетмәләр төзелде. Барлыгы 188.7 мең сумлык штрафлар салынды. Хәзергәчә шуларның 6 мең сумы түләтелгән.

Хисап чорында тулай мәйданы 4045.5 кв.м һәм күләме 87 кубометр булган 65 рөхсәтсез каты көнкүреш калдыклары ташлау урыны ачыкланды, барысы да бетерелде, 87 кубометр чүп-чар рөхсәтле чүплекләргә күчерелде.

Моннан тыш, «Урманчылык» ДКО федераль һәм республика әһәмиятендәге юллар, трассалар буендагы 8 гектар урман массивыннан 18 кубометр коры-сары җыештырды.

«Уылдык чәчү – 2014» операциясе кысаларында үткәрелгән рейдлар вакытында РФ КоАП 8.39 ст. буенча административ хокук бозу турында 86 беркетмә төзелде. 31 материал җинаять эше кузгату өчен ТР буенча Эчке Эшләр министрлыгына тапшырылды. Закон бозучылардан 112 табигатьтән законсыз файдалану коралы, шул исәптән 106 җәтмә, шулай ук 160 кг балык йолып алынды. Физик затларга барлыгы 225 мең сумлык штрафлар салынды, закон бозучылардан 159.5 мең сум зыянны каплату билгеләнде.

Спартакиада Россия студентларының төзелеш отрядларына багышланган иде. Ярышларда Самара өлкәсе, Киров өлкәсе, Башкортстан Республикасы, Татарстан Республикасы, Оренбург өлкәсе, Пермь крае һәм Пермь шәһәре, барлыгы 168 спортчы катнашты. Татарстанның җыелма командасы Лубян урман-техник колледжы студентларыннан тора иде. Кросс буенча тулай команда зачетында Лубян командасы, ярыш хуҗаларын алга үткәреп һәм Оренбург студентларын узып, икенче урынны алды.

Спартакиада барышында, спорт ярышларыннан тыш, төрле төбәкләрнең студент отрядларын берләштерү буенча да төрле чаралар уздырылды.

Вузның юбилеена “Урман хуҗалыгында инновацияләр 2014” дигән фәнни конференция багышлана, ул 26-27 майда уздырыла. ТР Урман хуҗалыгы министрлыгы институт белән хезмәттәшлек итә, шул сәбәпле министр Наил Мәһдиев та юбилейга чакырылган, һәм ул конференциядә катнашып, “Татарстан Республикасы урман хуҗалыгындагы инновацияләр” дигән доклад укыячак.

Кама Тамагы районындагы «Лобач тавы» табигать тыюлыгы территориясендә тыюлык режимын бозуларны ачыклау буенча алты рейд үткәрелде. Авто-мото транспортның юллардан чыгып тукталуы очраклары ачыкланды. Табигать саклау инспекторлары һәр бозучыга карата административ хокук бозу турында  беркетмә төзеделәр, шулар нигезендә штраф салу турында карарлар чыгарылды. Режим бозу буенча штрафларның тулай суммасы май аенда 12 мең сум тәшкил итте.

Россия Фәннәр Академиясенең Экология һәм эволюция проблемалары институты һәм «Дөнья балалары» халыкара хәйрия фонды, Россия Федерациясе Табигый байлыклар һәм экология министрлыгы ярдәме белән, «Фауна» хәйрия проектын тормышка ашыра башладылар.

Проектның максаты – Россия Федерациясе Кызыл Китабына кертелгән хайваннарны өйрәнү. Тагы бер мөһим бурычы – халыкның табигать буенча белемнәрен күтәрү программасы булдыру. «Фауна» проектында катнашучыларның барсына да проектның http://www.faunarusi.ru/ рәсми сайтында үз төбәгенең хайваннары, табигате турында фотолар һәм видеолар урнаштыру мөмкинлеге бирелә.

Табигать Фонды акциясенең максаты – ил гражданнарында патриотизм хисе һәм экологик культура тәрбияләү. ТР Урман хуҗалыгы министрлыгында Татарстан символы булган үсемлекләрнең якынча исемлеге әзерләнеп, акциянең оештыру комитетына тапшырылган. Исемлек башында – төп урман формалаштыручы токым булан сабакчалы имән. Исемлектә шулай ук чыршы, каен, юкә, миләш, дүләнә, балан, артыш, сирень, тау нараты һ.б.лар бар.

Оештыру комитеты белән килештерүдән соң исемлектә калган ике-өч кенә символлы үсемлек җәмәгать сайлавына чыгарылачак. Он-лайн сайлау 1 июльдә башлана һәм августка кадәр дәвам итә. Сентябрьдә, Урман хуҗалыгы эшчәннәре көнендә, Россия Аллеясын ачу – сайлап алынган агачларны утырту уздырылачак.

Хәзерге вакытта “Кама урманчылыгы” дәүләти казна оешмасы һәм “Кама урманы” дәүләти бюджет оешмасы Мамадыш районы Албай авылында чиркәү фундаментын салып бетерде, төп бура һәм алтарь бурасы әзер. Чиркәүнең гөмбәзе корыла, түбәсе ябыла. Авыл халкының соравы буенча эшләр июль башына, керәшеннәрнең Питрау көненә кадәр төгәлләнергә тиеш. Чиркәү төзү белән бер үк вакытта истәлекле нарат һәм чыршылар утыртылды.

Балык Бистәсе районы Керәшен Казилесе авылында “Кызыл Йолдыз урманчылыгы” ДКО һәм “Кызыл Йолдыз урманы” ДБО чиркәүнең төп бурасын, алтарен һәм ике чаң манарасын корып бетерде. Идән һәм түшәм өчен агач материаллары әзерләнә. Аннан тыш, бу атнада Казиле чиркәвен салу урынына бура китерүне төгәлләү күздә тотыла.

Яңа Чишмә районы Ленино авылы чиркәве өчен дә төп бура буралган (башкаручысы – Әлмәт урманчылыгы һәм “Альметлес” оешмасы), идән һәм түшәм өчен агач әзерләнә.