ЯҢАЛЫКЛАР

“Кәләй урман хуҗалыгы” ДБУ заманча  “Харвестер” һәм “Форвардер” автотехникасын сатып алды. 2016 елның 6 октябрендә урманчылар яңа җайланмада эшләргә керештеләр, асылда алар тәрбияләү кисүләрендә диләнке эшлиләр, Бутинск кишәрлеге урманчылыгының 25 бүлемтегендәге 64 кварталда сирәкләштерү эшләрен башкаралар. Кишәрлекнең гомуми мәйданы 10 гектар иде. Кәләй урман хуҗалыгы хезмәткәрләре беренче эш нәтиҗәләреннән канәгать калдылар, яңа машиналарның уңай якларын билгеләп үттеләр:

• Эш барышының технологиясе. Ике машинадан торучы бер комплекс 5-6 кешедән торучы агач аударучылар бригадасын алмаштыра, шул ук вакытта эш нәтиҗәсе бик күпкә югарырак;
• Киңрәк протектор аркасында туфракка карата тискәре йогынты кими;
• Эш барышында (аударылган агачларны, ботакларны, сортиментларны төяп бушату мәйданына транспортлау) зыян күрә торган агач проценты кими
• Машина операторлары өчен уңайлы шартлар.

ТР Спас муниципаль районы мәдәният йортында Укытучы көненә багышланган бәйрәм чарасы узды. Бәйрәмдә мөгаллимнәр, тәрбиячеләр, мөгаллимлек хезмәте ветераннары катнашты. Хөрмәтле кунаклар арасында: Спас муниципаль районы Башкарма комитеты җитәкчесе В.А. Осокин, Башкарма комитетның социаль мәcьәләләр буенча җитәкчесе Е.А. Афоньшина, ТР Спас муниципаль районының мәгариф бүлеге башлыгы А.Н. Ермилин, “Спас” тыюлыгының ТР әйләнә-тирә мохитне саклау өлкәсендәге дәүләт инспекторы Любовь Мурзак катнашты.

Килгән кунаклар барлык мөгаллимнәрне аларның һөнәри бәйрәмнәре белән котладылар, ныклы сәламәтлек, гаилә иминлеге һәм намус һәм фидакарьлек белән башкарыла торган эшләрендә уңышлар теләделәр. ТР Любовь Мурзак Спас муниципаль районының “Полянка урта гомуми белем бирү мәктәбе” МББУ башлангыч сыйныфлар укытучысы Кузьмина Ольга Владимировнага үсеп килүче буынга экология буенча белем һәм тәрбия бирүдәге күп еллык нәтиҗәле эшчәнлеге өчен Урман хуҗалыгы министрлыгыннан Рәхмәт хатын тапшырды.

“Татарстанның чиста урманнары” акциясе кысаларында Кызыл бор кишәрлеге урманчылыгы белгечләре “Табигать белән татулыкта” экология сукмагы буйлап территорияне көнкүреш калдыкларыннан чистарту буенча рейд үткәрделәр. Чарада Кызыл бор УГБМ укучылары актив катнашты. 1 га мәйданда 1 кубометр көнкүреш калдыгы җыеп алынды.

2016 елның 15 сентябрендә “Татарстанның чиста урманнары” акциясенең көзге этабы башланды. Акцияне үткәрүнең өч атнасы барышында урман территорияләрен чистартуда 500 кеше катнашты. Урман фондының 394 арендаторы, 53 предприятие, шулай ук 4 бакчачылык ширкәте актив партнерлар булдылар. Акциядә катнашучылар тарафыннан урман фонды һәм МСТТ территорияләре чистартылды һәм 298,5 м3 каты көнкүреш калдыгы һәм башка төрле калдыклар чыгарылды. Моннан тыш, автомобиль юллары һәм федераль һәм төбәк әһәмиятендәге трассалар буйларыннан 143 м3 коры-сары һәм ауган агач җыеп алынды һәм чыгарылды.

Татарстан Республикасының дәүләт урман инспекторлары һәм Татарстан Республикасының әйләнә-тирәлекне саклау өлкәсендәге дәүләт инспекторлары тарафыннан каты көнкүреш калдыкларын урман биләмәләрендә һәм МСТТ территорияләрендә законсыз урнаштыру очракларын ачыклау буенча 38 рейд чарасы үткәрелде. Нәтиҗәдә 9 ККК чүплеге ачыкланды, хәзерге вакытта алар барысы да 100% дәрәҗәсендә юкка чыгарылды.

Акция барышында 9 чишмә чистартылды һәм төзекләндерелде. 49 мәгълүмат тактасы, аншлаглар, шулай ук ял итү өчен урман фондында һәм автомобиль трассалары буйларында урнаштырылган чатырлар төзекләндерелде.

Быел акциянең көзге этабында табигать сакчылары 1127,1 м3 каты көнкүреш калдыкларын җыеп алдылар һәм чыгардылар. Автомобиль юллары һәм федераль һәм төбәк әһәмиятендәге трассалар буйларыннан “Урманчылык” ДКУ һәм дәүләт табигый тыюлыклары хакимиятләре белгечләре тарафыннан 800 м3 тирәсе коры-сары һәм ауган агач-ботаклар җыеп алынды.

“Татарстанның чиста урманнары” табигатьне саклау акциясе 2016 елның 15 ноябренә кадәр дәвам итәчәк.

Акция барышында Котлы Бөкәш кишәрлеге урманчылыгының 23 бүлемтегендәге 22 кварталында 1,1 гектар мәйданда 4 мең данә күләмендә ябык тамыр системасы белән чыршы чәчкеннәре утыртылды. Утырту эшләрендә 45 кеше катнашты. Бу урманчылык хезмәткәрләре һәм мәктәп урманчылыгы укучылары.

“Рослесинфорг” ФДБУ Казан филиалы хезмәткәрләре Татарстан Республикасында гадәткә кергән “Урман утырту көне” табигатьне саклау акциясендә катнашты.  “Рослесинфорг” ФДБУ Казан филиалы хезмәткәрләре: Ильясов Р.З., Кәлимуллин Р.Р., Абраров И.Х., Шәфыйгуллин Р.Р., Габделганиева Г.Т., Габидуллин И.И. составында әлеге акциягә теләктәшлек белдерделәр һәм Татарстан Республикасы “Шәһәр яны урманчылыгы” дәүләт казна урчеждениесенең Матюшино кишәрлеге урманчылыгы урман фондында агач утырту эшендә катнаштылар.

2016 елның 1 октябрендә 2015 елның 30 декабрендә кабул ителгән Урманнарны зыянлы организмнардан яклауны җайга салуны камилләштерү өлкәсендә Россия Федерациясе Урман кодексына үзгәрешләр кертү турында” № 455-ФЗ Федераль закон үз көченә керде.

Яңа федераль закон Россия Федерациясендәге урманнан файдаланучылар һәм барлык гражданнар тарафыннан урманнарда санитария куркынычсызлыгы кагыйдәләренеү үтәлешенә, урманнарны яклау буенча проблемаларны оператив рәвештә ачыкларга һәм урманнарга йогынты ясый торган барлык начар факторлардан алынган экологик һәм икътисади зыянны киметергә мөмкинлек бирә торган чараларны сыйфатлы үткәрү мөмкинлеген бирә алырлык, барлык урман яклау эшләрен үткәрүнең һәм, беренче чиратта, санитар кисүләрнең вакытларын кыскарта торган системаны оештыруга карата җаваплылыкны көчәйтүгә юнәлдерелгән.

Әлеге законның гамәлгә керүе Россия урманнарын начар йогынтылардан яклауны җайга салуның хокукый механизмнарын камилләштерүдә зур адым булып тора – Урман кодексында урманнарны зыянлы организмнардан яклау мәсьәләләренә багышланган аерым бүлек пәйда булды, урманнарда санитар куркынычсызлык һәм урман яклау чаралары нигезләре турындагы статьялар җитәрлек дәрәҗәдә киңәйтелде һәм тәгаенләнде. Моннан тыш, санитар-савыктыру чараларын үткәрүнең вакытлары кыскартылды, аларны үткәргән өчен җаваплылык арттырылды. Элеккеге закон актларында азрак чагылдырылган урманнарның һәлак булуын кисәтүгә, профилактика чараларына карата яңа федераль законда махсус игътибар бирелә.

Бүген, 2016 елның 5 октябрендә, “Лениногорск үзәк район хастаханәсе” ДАСУ хастаханә шәһәрчеге территориясендә “Урман утырту көне” акциясе кысаларында истәлекле агачлар утыртылды. 65 данә чыршы, 6 данә нарат һәм 10 данә миләш агачы утыртылды. Үсентеләрне “Лениногорск урман хуҗалыгы” ДБУ бирде. Утырту эшләрендә “Лениногорск үзәк район хастаханәсе” ДАСУ һәм “Лениногорск урман хуҗалыгы” ДБУ хезмәткәрләре катнашты.

“Агач утырту көне” табигатьне саклау акциясе 2016 елның 1 октябреннән 31енә кадәр, традиция буенча Татарстан Республикасының барлык муниципаль районнарында үткәрелә. Бүгенге көндә Татарстанда 1,7 миллионнан артык яшь агач утыртылды.

Татарстан Республикасының Урман хуҗалыгы министрлыгында ВНИИЛМ Галимнәр советының күчмә киңәйтелгән утырышы булды. Чарада Алмас Нәзиров катнашты. Ул станция хезмәткәрләрен юбилей датасы белән котлады һәм аларга бүләкләр тапшырды. “Күп еллык намуслы хезмәте, югары профессиональлеге, Татарстан Республикасының урман хуҗалыгы системасында нәтиҗәле эшләве өчен” мактау грамоталарына “Урманчылык һәм урман хуҗалыгын механикалаштыру буенча Россиякүләм фәнни-тикшеренү институты” ФБУ филиалының фәнни хезмәткәрләре – Ильин Федор Степанович белән Прокопьев Александр Павловичлар лаек булдылар. Станция коллективына А.Ә. Нәзиров Татарстан Республикасы Урман хуҗалыгы министрлыгының “Намуслы хезмәте, урман мөнәсәбәтләре өлкәсендә дәүләт урман сәясәтен эшләүгә, урманнардан файдалану, аларны саклау, яклау һәм үстерү өлкәсендә норматив-хокукый җайга салуга бәйле вәкаләтләр буенча керткән зур өлеше һәм 90 еллык уңаеннан” Рәхмәт хатларын тапшырды. Татарстан Республикасы Хөкүмәте җитәкчелеге исеменнән Көнчыгыш-Европа урман сынау станциясе коллективына министр Форд Фокус автомашинасы ачкычын тапшырды. Юбилярлар үз чиратында Министрлыкка нәтиҗәле, тыгыз хезмәттәшлек өчен рәхмәтләрен җиткерделәр һәм Алмас Нәзировка “Көнчыгыш-Европа урман сынау станциясенең – ВНИИЛМ филиалының эшендә гамәли булышлык иткәне өчен, урман фәнен алга этәргән һәм Россия Федерациясе урман байлыкларын саклау һәм үрчетү буенча нәтиҗәле хезмәте өчен” Рәхмәт хаты тапшырдылар.

Тантаналы өлеш тәмамлангач урман фәне вәкилләре галимнәрнең чыгышларын тыңлап үттеләр.

Татарстан Республикасында Су саклау зоналары елы кысаларында 2016 елның 1 февраленнән башлап 2016 елның сентябренә кадәр Республикадагы балалар өчен һәвәскәрлек берләшмәләренең “Җир сулышы” конкурсы үткәрелде, аның гамәлгә куючысы – Татарстан Республикасы Мәдәният министрлыгы.

29 сентябрьдә Татарстан Республикасының Әгерҗе муниципаль районында, ә атап әйткәндә – “Җир хартиясе” мемориал ташы салынган “Кичке таң” дәүләт табигый комплекслы тыюлыгында III Республикадагы балалар өчен һәвәскәрлек берләшмәләренең “Җир сулышы” конкурсына йомгак ясалды.

Конкурсның максатлары һәм бурычлары – баларда һәм яшүсмерләрдә яшәеш өчен иминлекле тирәлекне саклауга карата җаваплылык хисен тәрбияләү, балаларның һәм яшьләрнең игътибарын табигатькә карата сакчыл карашка җәлеп итү, балаларда һәм яшүсмерләрдә иҗади сәләтләрне үстерү, балалар өчен клуб формированиеләренең нәтиҗәлелеген арттыру, экологик тәрбия һәм белем бирү рәвешләрен һәм алымнарын камилләштерү, шулай ук мәнфәгатьләр буенча дәресләрдә, түгәрәкләрдә, студияләрдә, клубларда, һәвәскәрлек берләшмәләрдә шөгыльләнү өчен күбрәк балаларны һәм яшүсмерләрне җәлеп итү.

Чарада катнаштылар: Республиканың традицион мәдәниятләрен үстерү үзәге директоры, филология фәннәре кандидаты, ТР атказанган сәнгать эшлеклесе Ф.Х.Завгарова, “Татарстан – яңа гасыр” республика иҗтимагый хәрәкәтенең Политсовет башкармасы рәисе, юридик фәннәр кандидаты А.А.Тарханова, ТР Экология һәм табигый ресурслар министрлыгының экологик мәгърифәт һәм иҗтимагый оешмалар белән хезмәттәшлек итү бүлеге башлыгы  Д.Ф.Вәлиуллин, ТР Әгерҗе муниципаль районы хакимияте вәкилләре, галимнәр, балаларны һәм яшьләрне экологик укыту һәм тәрбияләү мәсьәләләре белән шөгыльләнүче клуб тәҗрибәчеләре. Татарстан Республикасының Урман хуҗалыгы министрлыгы исеменнән “Кичке таң” дәүләт тыюлыгы башлыгы, Татарстан Республикасының атказанган экологы Ф.Г. Фәйзуллин катнашты.

Чара программасында фотокүргәзмәләр эше, конкурс лауреатларының презентацияләре, мемориал ташны карау, эшләнмәләр эшләү буенча мастер-класслар, агач утыртулар һәм башкалар оештырылган иде.

Конкурска Татарстан Республикасының 17 муниципаль районыннан 51 балалар өчен һәвәскәрлек берләшмәсенең презентацияләре күрсәтелгән иде. Конкурс барышында балалар яшәеш өчен иминлекле булган әйләнә-тирәлекне саклау, табигатькә карата сакчыл караш тәрбияләү буенча эш үткәрделәр.

Конкурста катнашучылар, ягъни 7-14 яшьлек балалар, өлкәннәр җитәкчелегендә туган авылларында агачлар утырттылар, чишмәләрне санадылар, әйләнә-тирәлекне саклау темасына агитбригада чыгышларын, үзешчән театрлар, табигый материаллардан ясалган эшләнмәләрдән күргәзмәләр, экология айлыкларын, “Бөтендөнья хайваннарны саклау көне”, “Бөтендөнья су көне”, “Җир көне”, “Сәламәтлек көне”, “Кошлар көне”, “Эколог көне” кебек бәйрәмнәрне, берләшмәләрнең табигатьтәге күчмә утырышларын һ.б. оештырдылар. Үткәрелгән конкурс үсеп килүче буында экология мәдәният, кешенең эшчәнлеге нәтиҗәләре өчен җаваплылык формалаштыруга ярдәм итте.

Үзенең чыгышында “Кичке таң” ДТКТ башлыгы форумда катнашучыларга “Җир хартиясе” халыкара проектын тормышка ашыру кысаларында үсеп килүче яшь буынны тәрбияләүдә зур өлеш керткәннәре өчен рәхмәтен белдерде. Алга таба, мемориал таш янәшәсендә ул Җир хартиясе идеяләрен, нормаларын, принципларын һәм кыйммәтләрен алга этәрү буенча төп эшнең Җир планетасы язмышы өчен гомуми җаваплылык хисләрен тәрбияләү максатында яшьләр тирәлегенә, Татарстан Республикасындагы барлык белем бирү учреждениеләренә күчерелү зарурлыгы турында искәртте.

“Иң яхшы һәвәскәрлек берләшмәсе” номинациясендә 7-12 яшьлек катнашучылар составында түбәндәгеләр лауреат булдылар:

1 урын -  Татарстан Республикасы, Сарман муниципаль районы, Олы Нөркәй АМЙ “Сафлык” балалар һәвәскәрлек берләшмәсе, җит. И.И. Кутусова, “Планетаны булачак буыннар өчен саклыйк” проекты белән;

2 урын– Татарстан Республикасы, Әгерҗе муниципаль районы, Бим АМЙ “Эружара” балалар фольклорансамбле, җит. О.А.Изибаева, “Безнең ваемсыз җәй” проекты белән;

3 урын– Татарстан Республикасы, Бөгелмә муниципаль районы, Петровск АМЙ “Үзәкләштерелгән район клуб системасы” МБУ “Ритм” коллективы, җит. Г.А. Конычева, “Бу җир – синеке һәм минеке”.

13-16 яшьлек катнашучылар составында икенче “Иң яхшы һәвәскәрлек берләшмәсе” номинациясендә түбәндәгеләр лауреат булды:

 1 урын– Татарстан Республикасы Чистай муниципаль районы, Чытерчинск АМЙ “Табигать сакчылары” балалар һәвәскәрлек берләшмәсе, җит. Л.Ю. Гринина, “Без туган җир балалары” проекты белән;

 2 урын – Татарстан Республикасы, Чистай муниципаль районы, Кутлушкино АМЙ “Яшел планета” балалар һәвәскәрлек экология берләшмәсе, җит. Г.Х.Гатауллина, “Без табигать балалары” проекты белән;

 3 урын – Татарстан Республикасы, Мөслим муниципаль районы, Тат. Бүләр АМЙ балалар һәвәскәрлек берләшмәсе, җит. Р.А. Хөснимәрдәнова, “Бөтерчекләр” проекты белән.