ЯҢАЛЫКЛАР

Уеннар “КАИ-Олимп” спорт комплексында, Татарстан Республикасының дәүләт хезмәткәрләре арасында узучы Спартакиада кысаларында оештырылды. Дәүләт контроле бүлеге башлыгы Нияз Таҗмиев, дәүләт контроле бүлегенең әйдәп баручы консультанты Андрей Атаманов, техник үсеш бүлегенең әйдәп баручы консультанты Риназ Мөхәммәтҗанов һәм биотөрлелек бүлегенең өлкән белгече Ренат Габидуллиннар кергән безнең команда көндәшләре буларак ТР буенча Табигатьтән файдалану идарәсе һәм ТР Икътисад министрлыгы спортчылары уйнады.

Табигый тирәлекне – суны, һаваны яклау һәм стабильләштерү, туфракны яклау, кешенең үз сәламәтлеген саклау буенча төп экологик факторларның берсе булып урманнар санала. Урман хуҗалыгы министры,  кызыксынган ведомстволарның тәкъдим ителгән җитәкчеләре һәм белгечләре кебек үк, су объектларын, судагы биологик ресурсларның һәм бүтән хайваннар һәм үсемлекләр объектларының яшәү тирәлеген саклауга һәм торгызуга, республикада яшәүчеләр өчен уңайлы шартлар тудыруга юнәлдерелгән чаралар планын эшләргә тиеш булачак

Елны үткәрү буенча оештыру комитеты тарафыннан эшләнергә һәм расланырга тиешле төп чаралар планында, – җәмәгатьчелек игътибарын су объектларын саклау һәм торгызу, судагы биологик ресурсларның һәм хайваннарның һәм үсемлек дөньясының бүтән объектларының тереклек итү тирәлеген саклау мәсьәләләренә җәлеп итү, халык өчен уңайлы шартлар тудыру.

Дрезден Техник университетыннан алман галим-урманчылары белән берлектә республиканың урман хуҗалыгында уртак проектлар тормышка ашырыла – “Ботаклы имән һәм вак яфраклы “ОМSК” юкәсенең катнаш утыртмаларын оптимальләштерү” һәм “Татарстан Республикасында “LesPlan” урман плантацияләре төзү һәм алардан файдалану”, бу проектлар Германиянең Бундестаг карары нигезендә Азык-төлек һәм авыл хуҗалыгы министрлыгы тарафыннан финанслана.

Урман хуҗалыгы министрының беренче урынбасары Харис Мусин җитәкчелегендәге Татарстан делегациясе атна дәвамында Саксония территориясендәге питомникларда, урман хуҗалыкларында, агач эшкәртү предприятиеләрендә һәм фәнни урман үзәкләрендә булдылар. Соңгы көнне Дрезден Техник университетының урман факультеты белән таныштылар. ТР урманчылары Европадагы иң борынгы Тарандтның урман мәктәбенә нигез салучы Г.Готт һәйкәленә чәчәкләр салдылар һәм ботаника музеена экскурсия кылдылар. 

“Пирамида” күңел ачу комплексында бүләкләү тантанасы булачак. “Пирамида” сараенда узачак тантаналы чарада ТР урман хуҗалыгы министр Алмас Нәзиров катнаша.

“ЭКОлидер” белән “Кеше һәм табигать” конкурслары Татарстан Республикасының Экология һәм табигый ресурслар министрлыгы тарафыннан җәмәгатьчелекне экологик иминлек проблемаларына җәлеп итү максатында үткәрелә. Оештыручылар хәбәр иткәнчә, быел “ЭКОлидер” конкурсына 450дән артык эш килгән.

Министрның беренче урынбасары Харис Мусин җитәкчелегендә делегация Германиянең Төньяк-Көнбатыш фәнни-тикшеренү институтында булды, биредә алар тиз үсә торган агач токымнарын үстерү методикасын өйрәнделәр, лабораторияләрне һәм сынау кишәрлекләрен карадылар. Алдагы көннәрдә “Dresdner Heide” урман хуҗалыгы предприятиесенә экскурсия планлаштырыла, биредә 75 яшьлек имән утыртмаларын караячаклар һәм Дрезденның тарихи урыннарына сәяхәт кылачаклар.

Киңәшмәне министр вазифаларын башкаручы Рәис Гомәров үткәрде. Көн тәртибендә урман хуҗалыкларының хуҗалык эшчәнлекләре карап тикшерелде, аларны тикшерү нәтиҗәләре турында финанс һәм икътисад бүлекләре белгечләре Рөстәм Халиков һәм Олег Рзай җиткерде.

Киңәшмәдә шулай ук хезмәтне саклау һәм агач әзерләү буенча җитештерү кишәрлекләрендә иминлек тәэмин итү мәсьәләләре каралды. Учреждениеләрдә алып барыла торган хезмәтне саклау чаралары турында Әлки, Минзәлә һәм Түбән Кама урман хуҗалыклары җитәкчеләре хәбәр итте.

Эш киңәшмәсенә йомгак ясап, Рәис Гомәров чараның максаты – эш камилләштерүне таләп итүче мәсьәләләр, урманнардан файдалануның нәтиҗәлелеген арттыра торган шартлар тудыру хакында сөйләшү иде, дип билгеләде.

Харис Мусин җитәкчелегендәге урман хезмәткәрләребез делегациясенә Германия имәнлекләренең торышы тәҗрибә ягыннан бик кызыклы. Кайбыч урманлыгында гамәлгә ашырылачак “ОМSК” сабаклы имән һәм вак яфраклы юкәнең катнаш утыртмаларын үстерү” проекты кысаларында республика вәкилләре Шпессарт имәнлекләрен карады, имәнне табигый җитештерү һәм орлык җитештерү өчен сертификацияләнгән имән утыртмаларының сынау мәйданчыкларында булды.

Республиканың урман хуҗалыгында алман белгечләре-урман хезмәткәрләре белән берлектә төрле проектлар гамәлгә ашырыла. Мәсәлән, “ОМSК” сабаклы имән һәм вак яфраклы юкәнең катнаш утыртмаларын үстерү” һәм “Татарстан Республикасында “LesPlan” урман плантацияләрен төзү һәм файдалану”. Проектлар Германиянең Бундестагы карары нигезендә Азык-төлек һәм авыл хуҗалыгы министрлыгы тарафыннан финанслана.

 Ноябрь аенда Кайбыч һәм Саба урманчылыклары җирлегендә проектларны гамәлгә ашыру буенча эш киңәшмәсенә Дрезден Техник университеты белгечләре делегациясе һәм Европадагы иң өлкән Тарантд урман мәктәбе вәкилләре делегациясе килде. Ә Дрезденда узучы конференциядә министрның беренче урынбасары Харис Мусин, урман җитештерү бүлеге җитәкчесе Илдар Хәлилов, Көнчыгыш-Европа урман тәҗрибә станциясе филиалы директоры Айнур Пуряев, Кайбыч урманчылыгы җитәкче-урманчысы Илгиз Хаффазов, ТР Урман селекция-орлыкчылык үзәге директоры Руслан Газизов, “Саба урман хуҗалыгы” ҖЧҖ коммерция директоры Азат Миңнеханов катнаша. Республика вәкилләре “Гюнтерхаузен” экологик белем бирү үзәгендә булды, Майнц шәһәре хуҗалыгының милек имәнлекләрен, урманлыкларын карады.

ТР урман хезмәткәрләренең чит илдәге программасы 9 декабрьгә кадәр дәвам итәчәк.

2015 елда республиканың 55 база урман питомнигында 52 миллион данәдән артык утырту материалы үстерелде. Конкурс кысаларында агымдагы елда утыртылганнарның нәтиҗәсе һәм сыйфаты, база урман питомнигының, мәктәп бүлегенең торышы, аның техника белән тәэмин ителеше исәпкә алыначак.

Узган елда Мамадыш, Кызыл Йолдыз һәм Шәһәр яны урман хуҗалыкларының урман питомниклары иң яхшы дип табылды.