ЯҢАЛЫКЛАР

Казан (Идел буе) федераль университетының Дәүләти һәм муниципаль идарә югары мәктәбендә Министрлык белгечләренә “Җитештерү коррупциясе өлкәсендә дәүләт политикасы”, “Дәүләти һәм җирле үзидарә органнары эшчәнлегендә бухгалтерия исәбе һәм хисаплылык”, “Дәүләт хакимияте һәм җирле үзидарә органнарының халыкара эшчәнлеге” программалары буенча квалификация күтәрү турында таныклыклар тапшырылды.

Тапшыру тантанасында тәбрик сүзләре белән ТР Президенты каршындагы Дәүләт хезмәте һәм кадрлар департаменты һәм ВШМГУ җитәкчелеге вәкилләре чыгыш ясады. Алар хезмәткәрләрне белем алуга активрак җәлеп итү теләге белдерделәр, чөнки барлык белем алу программалары дәүләти гражданлык хезмәткәрләре эшендәге көнүзәк ихтыяҗларга туры китереп төзелгән.

Россия Җәмәгать телевидениесе чыгарылышлары илебез халкын борчый торган иң кискен проблемаларга кагыла. Урман янгыннарына багышланган шундый бер программада Россия Федераль җыелышы Дәүләт Думасының Табигый байлыклар, табигатьтән файдалану һәм экология комитеты депутатлары, Авиалесохрана белгечләре, фән вәкилләре чыгыш ясаячак. Программаны әзерләүчеләр ТР урман хуҗалыгы министры Наил Мәһдиевтан да Министрлык һәм республика хөкүмәте күрә торган нәтиҗәле чаралар турында сөйләвен сорадылар: шул чаралар аркасында Татарстан территориясендә өч ел рәттән урман янгыннарының булганы юк.

“Прав?Да!” тапшыруының эфирга чыгуы турында өстәмә хәбәр ителер.

Ленинград өлкәсе Табигый байлыклар комитеты рәисе А.А.Эглит чакыруы буенча 23-25 июньдә Татарстанның урман белгечләре, ТР урман хуҗалыгы министры Наил Мәһдиев җитәкчелегендә, Ленинград өлкәсе хуҗалыкларын һәм питомникларын карарга баралар.

Россия чемпионаты Кировта узды, анда 24 команда килгән иде. «Нурлатлес» идарәсеннән һәм Саба өйрәнү-тәҗрибә урман хуҗалыгыннан булган агач аударучылар, харвестер һәм форвадер операторлары кергән Татарстан командасы, ярышларда яхшы нәтиҗә күрсәтеп, механикалаштырылган агач әзерләүдә өченче урынны алды һәм Алдынгы технологияләр иңдергән өчен кубок белән бүләкләнде.

Татарстан урман кисүчеләре командасын ярышларның оештыру комитетына кергән ТР урман хуҗалыгы министры Наил Мәһдиев тәбрикләде.

Лубян урман-техник колледжын (урман хуҗалыгы техникумын) тәмамлаучы күпләр урман хуҗалыгы җитәкчеләре, башкаручы белгечләре булып республикабызда да, аннан читтә дә эшли. “Урман һәм урман-парк хуҗалыгы”, “Бакча-парк һәм ландшафт төзелеше”, “Экономика һәм бухгалтер исәбе” белгечлекләре буенча дипломнарны быел 72 даими укучы һәм 19 читтән торып укучы студент алачак. Имтиханнарның дәүләт комиссиясенә Татарстан урман хуҗалыгы министры урынбасарлары Харис Мусин һәм Рәмил Мәхмүтов рәислек итә. Колледжны тәмамлаучыларга дипломнар 27 июньдә биреләчәк.

Быелгы «Парклар маршы» табигать саклау акциясе шундый девиз астында узды. Максаты – аеруча саклаулы табигать территорияләренең экологик әһәмиятен пропагандалау, яшь буында су ресурсларына һәм сулыклар тереклегенә карата сак мөнәсәбәт тәрбияләү иде. Бу халыкара акциянең Россия координаторы – Мәскәү ш. Кыргый табигатьне саклау үзәге булды.

Акция Татарстанның 20 муниципаль районында, белем үстерү, конкурслар, хезмәт, бәйрәм, хисап этапларында уздырылды. Республиканың дәүләти табигать тыюлыклары администрацияләре оештырган чараларда 25.4 меңнән артык кеше катнашты. Бу эштә 279 предприятие һәм оешма актив ярдәм күрсәтте.

Акция кысаларында урманнарны, сулык ярларын чүп-чардан чистарту, яшелләндерү һ.б. буенча 122 экологик десант оештырылды, аларда 9 меңләп кеше катнашты. «Парклар маршы»н 26 хәбәр чарасы яктыртты, 20 газетада 34 мәкалә бастырылды.

«Тыюлы табигать дөньясы» балалар рәсемнәре конкурсында республиканың 199 мәктәбеннән 4276 бала; «Кыргый табигать утраулары» фотоконкурсында 186 мәктәптән 2394 бала; «Лукоморье» хикәяләр, әкиятләр, шигырьләр конкурсында 171 мәктәптән 1644 бала катнашты.

Конкурсның бурычы – урман комплексында эшләүчеләр арасында Татарстан беренчелеген тергезү һәм тармак хезмәткәрләренең һөнәри осталыгын күтәрү иде. Анда барлык тармак оешмаларының агач аударучы яисә форвардер һәм харвестер операторы квалификациясенә ия булган эшчеләреннән торган командалар катнаша.

Конкурсны ачканда ТР урман хуҗалыгы министры Наил Мәһдиев: «Татарстанның урман хуҗалыгы эшчәннәре алдында урманнарны саклау һәм яңадан торгызу бурычлары гына түгел, алардан рациональ файдалану бурычлары да тора. Бу заманда яңадан-яңа технологияләр, инструментлар барлыкка килә һәм камилләшә, ә урман кисүче, харвестер һәм форвардер операторы һөнәре урман комплексында иң алдынгы һәм хөрмәтле һөнәргә әверелеп килә», – дип белдерде.

Ярышларның төп судьясы – Вологдадан килгән, мондый ярышларда судьялык итү буенча инде унбиш еллык тәҗрибәсе булган Николай Орлов иде, ул конкурсны оештыру кимәлен һәм катнашучыларның осталыгын югары бәяләде.

Ярышлар программасы берничә этаптан торды: урман кишәрлегендә агач аудару, бензин пычкысының чылбырын алыштыру, комбинацияле кисү юлы белән агач бунау, төгәл бунау, ботак кисү һәм команда эстафетасы. Шобагадан соң һәр командага Мишәбаш участок урманчылыгында кишәрлек бүлеп бирелде. Һәр номинациядә җиңүчеләр билгеләнде. Призлы урыннарны Саба өйрәнү-тәҗрибә урман хуҗалыгы, «Нурлатлес» һәм «Арчалес» дәүләти бюджет оешмалары алды.

Җиңүчеләрдән торган Татарстан җыелма командасы агач аударучыларның 19-21 июньдә Киров өлкәсендә узачак Россия чемпионатында катнашачак.

Татарстан урман хуҗалыгы министры Н.Г.Мәһдиев һәм ТР Урман хуҗалыгы министрлыгының урманнарны яңадан торгызу һәм урман үстерү бүлеге башлыгы И.Н.Зарипов «Россия имәнлекләре» проектын тормышка ашыру һәм үстерү кысаларында, сабакчалы имән чикләвекләрен озайлы саклау технологияләрен һәм ылыслы токым үсентеләрен әзерләүдәге заманча инновацияләрне өйрәнү мәсьәләсе буенча Польша Республикасына һәм Швеция Корольлегенә бардылар.

Визит барышында алар, ВСС АВ (Швеция) компаниясеннән булган коллегалар белән бергә төзелгән программага һәм Польша Республикасының дәүләт урманнары баш офисыннан (Варшавадан, Краковтан) булган коллегалар белән килешүләргә ярашлы рәвештә, Швециядәге «Выбиторп» питомнигында ябык тамыр системалы, эрерәк кассеталарга күчереп утыртмалы микрошытымнар үстерүнең иң яңа технологияләре белән таныштылар, Польшада Урман геннары банкын һәм ябык тамыр системалы сабакчалы имән шытымнарын үстерү питомнигын карадылар.

Делегация эшендә БМО ЮНИДО буенча Россия проектлары җитәкчесе Б.Мельничук та катнашты.

Бүген Татарстан Президенты Рөстәм Миңнеханов Казан үзәгендәге яңа төзелеш объектларын һәм яңадан торгызырга кирәкле тарихи биналарны күзәтеп йөрде. Аны Казан мэры Илсур Метшин, ТР Президенты ярдәмчесе Олеся Балтусова, ТР төзелеш, архитектура һәм торак-коммуналь хуҗалык министры Ирек Фәйзуллин, ТР мәдәният министры Айрат Сибгатуллин озата йөрде.

Күзәтүдә катнашучылар сәүдәгәр Бигаевның ТР Урман хуҗалыгы министрлыгы яңадан торгызган агач йортында булдылар (Париж Коммунасы ур., 18). Аның күршесендә исә 1861 елгы ярым җимерек «Кәримовлар типографиясе һәм хәрефханәсе» дигән, Б литерлы мәдәни мирас булган кирпеч бина тора. Бу бинаны сатып алган инвестор бүген Татарстан Президентын: алда торган эшләр катлаулы булса да, бина торгызылачак, дип ышандырды.

Конкурска республика мәктәпләрендә укучыларның 300дән артык эше өч номинациядә тапшырылган иде: фотографияләр («Кыргый табигать утраулары»); рәсемнәр («Тыюлы табигать дөньясы»); әдәби эшләр («Лукоморье»). Татарстан Урман хуҗалыгы министрлыгының акцияне үткәрү буенча эш төркеме, тапшырылган материалларны анализлап һәм фикер алышып, «Парклар маршы 2014» конкурсында җиңүчеләрне атады. Аларга дипломнар һәм призлар биреләчәк.