ЯҢАЛЫКЛАР

Киңәшмәгә кадәр депутатлар урман хуҗалыгын комплекслы алып бару белән таныштылар: агач эшкәртү комплексы цехларында булдылар, III типтагы «Саба» янгын-химия станциясен һәм Урман селекция-орлыкчылык үзәге теплицаларын карадылар. Аннары, Үзәкнең утырышлар залында, «Урманнарны яңадан торгызу һәм үстерү өлкәсендә хокукый көйләнеш: бурычлар, проблемалар, перспективалар» дигән темага «түгәрәк өстәл» үткәрелде.

Утырышта РФ табигый байлыклар һәм экология министры урынбасары – Урман хуҗалыгы федераль агентлыгы җитәкчесе Владимир Лебедев, Дәүләт Думасының Табигый байлыклар, табигатьтән файдалану һәм экология комитеты рәисе Владимир Кашин, ТР урман хуҗалыгы министры Наил Мәһдиев, фәнни һәм гамәли урман җәмәгатьчелеге вәкилләре, урман хуҗалыгы һәм экология белгечләре катнашты.

Депутатларга мөрәҗәгать итеп, министр Наил Мәһдиев: «Татарстан кебек аз урманлы төбәкләр үз хуҗалык эшчәнлеген законнар белән яклауга мохтаҗ, шул чакта гына барлык урман хуҗалыгы эшләре иң аз чыгымнар һәм урман өчен иң күп файдалар белән башкарылачак. Без ул мәсьәләләрне урынга килеп тикшерүне шуңа күрә сорадык та» – дип белдерде.

Күчмә утырышка йомгак ясап, Владимир Кашин болай диде: «Тулаем Россиядә урманнарның юкка чыгу темпы аларны яңадан торгызу темпларыннан тизрәк бара, дип танырга туры килә. Шуңа күрә урманнарны яңадан торгызу мөһим мәсьәлә булып тора. Хәзерге вакытта Россиядә киселгән мәйданның чама белән 10%ына гына агач үсентеләре утыртыла. Шуларның да яртысы һәлак була. Димәк, без урман питомниклары, орлыкчылык һәм үсентеләрне карау мәсьәләләренә җитди керешергә, селекция үзәкләрен үстерергә тиешбез. Россиянең милли байлыгы булган урманнарны шулай гына саклап кала алабыз. Татарстанда без бу проблеманың чынлыкта ничек чишелгәнен күрдек.»

2000 елда Генераль Ассамблея ел саен 22 майда Халыкара биологик төрлелек көнен билгеләп үтәргә карар итте, бу көнне 1992 елда Биологик төрлелек конвенциясенең килештерелгән тексты кабул ителгән. Бүген ул конвенцияне 200ләп дәүләт яклый.

Халыкара биологик төрлелек көненең төп бурычы – Җирдә күп кенә флора һәм фауна вәкилләренең мәңгегә юкка чыгу проблемасына җәмәгатьчелек игътибарын юнәлтү. Планетабызның биологик төрлелеге кыскара бара, экологик тигезләнеш һаман да үзгәрешләргә дучар ителә. Экологик системаларның 60%ка якыны таркала яисә аңсыз кулланыла, бу исә биологик төрлелек югалуга һәм башка авыр нәтиҗәләргә китерә, ә алдагы 50 елда хәлләр тагы да авыраерга мөмкин.

Берләшкән Милләтләр Оешмасы 2014 елгы Көннең темасы итеп Утрауларның биологик төрлелеген сайлаган.

Түгәрәк өстәл утырышында РФ табигый байлыклар һәм экология министры урынбасары – Урман хуҗалыгы федераль агентлыгы җитәкчесе Владимир Лебедев, Дәүләт Думасының Табигый байлыклар, табигатьтән файдалану һәм экология комитеты рәисе Владимир Кашин, фәнни һәм гамәли урман җәмәгатьчелеге вәкилләре, урман хуҗалыгы һәм экология белгечләре катнашачак.

Комитет утырышы 22 майда Саба урманчылыгында уздырыла. 23 майда исә анда катнашучылар «Алабуга» АЭЗда, Түбән Кама һәм Әлмәт районнарында урнашкан объектлар белән танышачак.

2нче «Алтынчәч» балалар бакчасында узган олимпиадада 6-7 яшьлек балалар, берничә номинациядә ярышып, урман һәм анда яшәүчеләр турында белемнәрен күрсәттеләр, туган якның урман-кырларында үсә торган үсемлекләрне гербарийдан таныдылар, урманда юлыгырга мөмкин булган төрле хәлләрне уен рәвешендә күрсәттеләр, җырладылар, биеделәр, шигырь сөйләделәр, иҗади конкурсларда катнаштылар.

Парк урманчылыгында агач утыртуда ТР урман хуҗалыгы министры Наил Мәһдиев та катнашты. Чара вакытында Татарстан Урман селекция-орлыкчылык үзәгендә үстерелгән ябык тамыр системалы урман культуралары күргәзмә рәвештә утыртылды.

Семинар Европа Советының һәм Россия Федерациясенең кыргый фауна һәм флораны, табигый яшәү тирәлекләрен саклау буенча Берн конвенциясе кысаларындагы эшчәнлеген координацияләүгә багышланган иде. Эмеральд проектының максаты – табигый яшәү урыннарын ачыклау һәм саклау. Семинарда Европа Советы әгъзалары, Финляндия, Норвегия, Швециядән, Россиянең 15 регионыннан вәкилләр, шул исәптән Татарстан Урман хуҗалыгы министрлыгы белгечләре катнашты.

Семинарда Европаның һәм Россиянең саклаулы табигый территорияләренең торышы, Россия Федерациясендә Зөбәрҗәт челтәрен формалаштыру буенча агымдагы нәтиҗәләр һәм арытаба бурычлар каралды.

Өйрәнүләр алдыннан республика территориясендә бишенче булган III типтагы “Лаеш” янгын-химия станциясен ачу тантанасы булды, анда ТР урман хуҗалыгы министры Наил Мәһдиев, Лаеш район хакимияте башлыгы Михаил Афанасьев, Татарстан буенча РФ ГтХМ Янгыннарны сүндерү һәм авария-коткару эшләрен башкару идарәсе башлыгы Константин Чанышев катнашты.

Урман янгыннары белән бәйле гадәттән тыш хәлләрнең нәтиҗәләрен бетерү буенча команда-штаб өйрәнүләренең планы буенча, ут белән саксыз кылану аркасында коры үлән янып киткән, аннары ут урман массивына, аннары Кама яры буенда урнашкан дача кооперативына күчкән…

Өйрәнүләргә ТР Урман хуҗалыгының көч һәм чаралары, ТР буенча федераль янгын службасы подразделениеләре җәлеп ителде.

Өйрәнүләрне күзәткән журналистларга биргән интервьюсында урман хуҗалыгы министры Наил Мәһдиев: «Ылыслы урманнар уратып алган Яшел Үзән, Түбән Кама һәм Чаллы кебек эре шәһәрләр янында урман янгыннары чыгу куркынычы бар. Җәйнең җиңел килүен көтмибез», – дип белдерде.

ЮНИДО проекты җитәкчесе Кристиан Сьюзан, халыкара эксперт Курт Рамскоглер, ЮНИДОның милли проектлары координаторы Борис Мельничук, милли эксперт Александр Кнорре тәшкил иткән делегация үзенең чираттагы визитында Матюшинодагы «Шәһәр яны өйрәнү-тәҗрибә урман хуҗалыгы» идарәсенең базислы питомнигын, Саба районындагы Татарстан Республикасы Урман селекция-орлыкчылык үзәген, «Мамадыш урманчылыгы» идарәсен, Мамадыш һәм Югары Ослан муниципаль районнарында агач утырту өчен билгеләнгән яр буе кишәрлекләрен карады.

Бөтенроссия агач утырту көнендә тыюлык хезмәткәрләре һәм 25 укучы Шушма кушылды булган Норма елгасы ярында 100 чыршы һәм 250 карагай үсентесе утыртты.

Лаеш урманчылыгының урман фонда территориясендә 20 майда ТР Урман хуҗалыгы министрлыгының, ТР Гадәттән тыш хәлләр министрлыгының һәм Лаеш муниципаль районының көч һәм чараларын янгын вакытында бергә эшләтү буенча өйрәнүләр уздырыла. Анда катнашучылар 9.00 сәгатьтә җыела башлый. Адресы: Лаеш, Лебедев ур. 57 й.