ЯҢАЛЫКЛАР

Биологик төрлелек бүлеге белгечләре әзерләгән 8нче санлы бу җыентык урман хуҗалыгы министры Алмас Назыйровның яшь табигать сөючеләргә сәламе белән ачыла. Арытаба анда “Парклар маршы-2014” конкурсында катнашучыларның иҗат эшләре: татар һәм рус телләрендәге хикәяләре, шигырьләре, рәсем һәм фотолары урын алган.

Аларның Татарстанга килүе ЕВРОФОРЕСТЕР халыкара белем бирү программасы кысаларында, С.М.Киров исемендәге Санкт-Петербург дәүләт урман-техник университе­тының министрлык җитәкчеләренә мөрәҗәгате буенча оештырылган иде.

Көнбатыш Европаның һәм Кытайның урман вузлары укытучылары һәм студентлары Шәһәр яны, Саба урманчылыкларында булып, Татарстанда урман хуҗалыгын алып бару белән таныштылар.

Маршрутның соңгы пункты – Лубян урман-техник колледжы иде. Колледж бинасына илтә торган Гашыйклар аллеясында кунакларны директор Афанасий Данилов, укытучылар, студентлар икмәк-тоз һәм чәкчәк белән каршы алды. Делегация аудиторияләрне, җитештерү цехларын, колледж музеен карады, студентлар ашханәсендә төшке аш ашады.

Очрашу лубянлылар әзерләгән концерт белән тәмамланды, аңа швед һәм кытай студентлары да катнашты.

15 апрельдән башланачак язгы урман культурасы сезоны өчен Буа урманчылыгында кышкы тупыл чыбыкчалары әзерләнеп, кар өемнәре астына саклауга салына.

Республика урманчылыкларында урман питомникларының чәчү бүлекләре өчен туфрак эшкәртелә, утырту материалын саклау, урман үсемлекләре орлыкларын стратификациягә салу өчен кар өемнәре ясала.

Быел ул 23 марттан 22 майга кадәр “Туфраклар – табигатьнең тиңсез мирасы” дигән девиз астында, Парклар һәм скверлар елы кысаларындагы табигать саклау акциясе буларак, яшь буында Татарстанның табигать мирасына сак караш тәрбияләү максатында үткәрелә.

12 майга кадәр Министрлыкның биологик төрлелек бүлеге балаларның районнарда үткәрелгән конкурсларда призлы урыннарны алган иҗат эшләрен һәм түбәндәге чараларны үткәрү буенча хисапларны кабул итә:

– белем бирү этабы (экскурсияләр, лекцияләр, балалар өчен экологик чаралар, тематик күргәзмәләр, түгәрәк өстәлләр, радио- һәм телетапшыруларда катнашулар), ул дәүләти табигать тыюлыкларының табигать саклау эшчәнлегенә яңа теләктәшләр җәлеп итүгә юнәлтелә;

– конкурслар этабы (“Кыргый табигать утраулары” фотоконкурсы, “Тыюлыклар дөньясы” балалар рәсемнәре конкурсы, балаларның “Лукоморье” әдәби эшләр конкурсы);

– хезмәт этабы (паркларны һәм скверларны яшелләндерү һәм чистарту, ясалма кош оялары кору буенча ирекле, түләүсез ярдәм);

– бәйрәм этабы (күргәзмәләр).

“Кичкетаң” тыюлыгы инспекторлары катнашындагы шундый бер чара Кичкетаң авылының “Кояшкай” балалар бакчасында Нәүрүз бәйрәме белән бергә үткәрелде

Балалар кышны озатып һәм язны каршылап шигырьләр сөйләде, җырлар җырлады, күңелле уеннар уйнады. Алар үз куллары белән тиздән җылы яклардан кайтачак кошлар өчен оялар да ясаган иде.

Балалар алдында чыгыш ясап, дәүләт тыюлыгы башлыгы Әһли Фәйзуллин: “Илебез территориясендә 700дән артык кош төре яши. Аларны теләсә нинди табигать почмагында очратырга мөмкин, алар игътибарны матур итеп сайраулары, бизәкле каурыйлары, кызыклы гадәтләре белән җәлеп итәләр. Барлык кошлар да диярлек кешегә файда китерәләр, күбесе авыл хуҗалыгы корткычларын – бөҗәкләрне яисә кимерүчеләрне юк итә, кайберләре ит, каурый, күкәй бирә. Кошлар булмаса, урманнарда, паркларда, бакчаларда күңелсез булыр иде. Канатлы дусларыбыз табигатьне җанландыра, аның байлыгы булып тора”, – дип сөйләде. Бәйрәм соңында балаларга дипломнар һәм бүләкләр бирелде.

Балтач районы Балтач, Норма урта мәктәпләрендә һәм Чапшар башлангыч мәктәбендә Уран белемнәре көне үткәрелде. Инспекторлар балаларга урман һәм аңа кешенең йогынтысы, Россиянең урман хуҗалыгы тарихы, урманчыларның язгы эшләре турында сөйләделәр, аларның сорауларына җавап бирделәр, аларга Татарстан укучыларының туган як табигатенә багышланган иҗат эшләреннән торган “Урман күзәтчесе” җыентыгын бүләк иттеләр.

Укучылар белән очрашулар Сөкәй урта мәктәбендә, Сөкәй авыл китапханәсендә, Монастырь мәктәбендә, Монастырь авыл китапханәсендә үткәрелде.

Белгечләр төрле яшьтәге балаларны урман турында белемнәр белән Халыкара урман көнендә генә түгел, төрле-төрле форматтагы башка чаралар: күргәзмәләр, конкурслар, ачык дәресләр, викториналар, уеннар, тыюлык музеена экскурсияләр үткәреп тә таныштыралар. Бу чараларда иң актив катнашучыларга призлар һәм дипломнар бирелә.

Традицион ярышлар РФ һәм ТАССРның атказанган урманчысы, “Почет билгесе” һәм “Октябрь революциясе” орденнары кавалеры, ТР дәүләт премиясе лауреаты Н.М.Миңнехановның туган көне алдыннан үткәрелә.

Байлар Сабасы бистәсенең спорт комплексында узган ярышларда Татарстанның 19 районыннан һәм 4 шәһәреннән, Россиянең 16 төбәгеннән, Украинадан һәм Казахстаннан килгән 200дән артык спортчы катнашты.

Ярышларның мөхтәрәм кунаклары арасында ТР Саба районы хакимият башлыгы Р.Миңнеханов, ТР урман хуҗалыгы министры А.Назыйров, ТР буенча ГИБДД МВД идарәсе башлыгы Рифкать Миңнеханов бар иде.

Ярышта катнашучыларны Россия Өстәл теннисы федерациясенең күзәтү советы рәисе Игорь Левитин тәбрикләде. Бүләкләрне тапшырганда ул бу өстәл теннисы турнирының торган саен популяррак була баруын да билгеләп үтте.

Традиция буенча, яңа урман культурасы сезоны алдыннан Урман хуҗалыгы бистәсендә бәйрәм оештырып, узган елда иң зур уңышларга ирешкән урман хуҗалыгы хезмәткәрләрен котлыйлар, иң яхшы җитештерү участокларын билгелиләр. Быел да оешма алдынгыларына исемле күкрәк билгеләре һәм кыйммәтле бүләкләр тапшырылды. Үзешчән сәнгатьчеләр алар өчен концерт программасы да әзерләгән иде. ТР Урман хуҗалыгы министрлыгы бүләкләрен Саба урманчыларына урманнарны яңадан торгызу һәм урман үрчетү бүлегенең башкаручы киңәшчесе Тимур Галиев тапшырды. Шул ук көндә Саба урманчылыгы профсоюз комитеты белән эш бирүче арасындагы коллектив килешүгә дә кул куелды.

Тантананы ачып, Татарстан урман хуҗалыгы министрының беренче урынбасары Харис Мусин: “Бу конкурста катнашучыларның елдан-ел арта баруына бик шатмын, без бу традицияне арытаба дәвам итеп, аңа тагы да күбрәк балаларны җәлеп итәрбез”, – дип белдерде.

“Татарстан урманнарын саклыйк!” конкурсында республиканың Казан, Биектау, Арча шәһәрләрендә һәм районнарында укучы балалар катнашты. Яшь табигать сөючеләр ел буе конкурска берничә номинация буенча материаллар әзерләгән, алар арасында тикшеренү һәм иҗат эшләре дә бар. Иң күркәм һәм оригиналь материаллар ТР Урман хуҗалыгы министрлыгының мактау грамоталары белән билгеләнде. 60тан артык приз тапшырылды.

Чара вакытында балалар һәм педагоглар белән экологик культураны пропагандалау, урманнарны һәм Җирнең экологик тигезлеген саклау турында әңгәмәләр дә үткәрелде.