ЯҢАЛЫКЛАР

Санкт-Петербургта Юниорларның XI халыкара урман конкурсында катнашучыларны һәм җиңүчеләрне бүләкләү тантанасы булып узды.

Нева ярындагы шәһәргә яшьләр дөньяның 27 иленнән, шул исәптән Бразилиядән, Көньяк Африка Республикасыннан, АКШтан, Малайзиядән, Буркина-Фасодан, Монголиядән, Вьетнамнан, Норвегиядән җыелган иде.

“Катнашучыларның дәрәҗәсе елдан-ел күтәрелә, – дип ассызыклады Рослесхоз җитәкчесе урынбасары Александр Панфилов. – Конкурска бик күп кызыклы проектлар һәм идеяләр күрсәтелде. Жюрига эш катлаулы булды.”

Ике көн эчендә төрле илләрдән килгән экспертлар 44 доклад тыңладылар. Судьялар коллегиясе 15 кешедән торып, шуларның бишесе Россиядән иде.

Нәтиҗәдә өченче урынны Азербайҗан һәм Россия вәкилләре, икенче урынны Вьетнам һәм Кыргызстан вәкилләре бүлеште. Ә төп җиңүче өчен булган бәллүр шар Россия вәкиленә – Арча районы Үрнәк бистәсенең урманчылык мәктәбендә укып чыкканнан соң КФУ студенты булган Марат Зәйнуллинга бирелде. Мәктәптә укыган елларында Марат “Табигать варислары” исемле мәктәп урманчылыгында шөгыльләнгән.

“Конкурста катнашучыларның барысын да котларга телим, – диде “Рослесозащита” ФБО директоры Владимир Солдатов. – Бер нәрсә телим: барысы да һөнәр алып, аны яратсыннар иде. Бик кызыклы һәм гомерлек бит ул!”

Санкт-Петербургта Юниорларның XI халыкара урман конкурсында катнашучыларны һәм җиңүчеләрне бүләкләү тантанасы булып узды.

Нева ярындагы шәһәргә яшьләр дөньяның 27 иленнән, шул исәптән Бразилиядән, Көньяк Африка Республикасыннан, АКШтан, Малайзиядән, Буркина-Фасодан, Монголиядән, Вьетнамнан, Норвегиядән җыелган иде.

“Катнашучыларның дәрәҗәсе елдан-ел күтәрелә, – дип ассызыклады Рослесхоз җитәкчесе урынбасары Александр Панфилов. – Конкурска бик күп кызыклы проектлар һәм идеяләр күрсәтелде. Жюрига эш катлаулы булды.”

Ике көн эчендә төрле илләрдән килгән экспертлар 44 доклад тыңладылар. Судьялар коллегиясе 15 кешедән торып, шуларның бишесе Россиядән иде.

Нәтиҗәдә өченче урынны Азербайҗан һәм Россия вәкилләре, икенче урынны Вьетнам һәм Кыргызстан вәкилләре бүлеште. Ә төп җиңүче өчен булган бәллүр шар Россия вәкиленә – Арча районы Үрнәк бистәсенең урманчылык мәктәбендә укып чыкканнан соң КФУ студенты булган Марат Зәйнуллинга бирелде. Мәктәптә укыган елларында Марат “Табигать варислары” исемле мәктәп урманчылыгында шөгыльләнгән.

“Конкурста катнашучыларның барысын да котларга телим, – диде “Рослесозащита” ФБО директоры Владимир Солдатов. – Бер нәрсә телим: барысы да һөнәр алып, аны яратсыннар иде. Бик кызыклы һәм гомерлек бит ул!”

Яңа уку елының беренче көннәрендә авыл мәктәбенә кунакка Кәләй урманчылыгы дәүләти казна оешмасының урманчы-җитәкчесе Д.Г.Миңдерахманов килде. Бу аның кече яшьтәге мәктәп балалары белән беренче очрашуы иде. Балалар белән сөйләшүне ул аларны урман белән тулай таныштырудан башлады, аларның нинди үсемлекләр һәм хайваннар турында белүе белән кызыксынды, табигатькә зыян китермәс өчен урманда үзеңне ничек тотарга кирәклеген аңлатты.

Арча урманчылыгының “Табигать варисы” мәктәп урманчылыгында укып чыгып Казан федераль университеты студенты булган Марат Зәйнуллин Юниорларның “Үсенте” XI халыкара конкурсында җиңүче булды.

Биологик төрлелек бүлегенең башкаручы белгече Индира Томаева төзегән җыентык балаларның “Парклар маршы” халыкара табигать саклау акциясенә багышланган иҗади эшләрен берләштерә. 2013 елгы Маршның девизы – “Тыюлы табигатькә – ышанычлы сак”.

Җыентыкка “Лукоморье” әдәби конкурсында җиңеп призлар алган шигырьләр, хикәяләр, әкиятләр, шулай һәм Татарстанның мәктәп балалары табигать саклау акциясе кысаларында ясаган рәсемнәр һәм фотолар кертелгән.

ТР Урман хуҗалыгы министрлыгының дәүләти хезмәт һәм кадрлар мәсьәләләре секторы белешмәләре буенча, урманчылык юнәлешендәге уку йортларына ике йөздән артык кеше укырга кергән. Лубян урман-техник колледжының ишекләре 126 укучы өчен ачылган, Казан дәүләт аграр университетының урман факультетына 95 студент алынган. Укырга керүчеләр саны, тулай планнарга бәйле рәвештә, элекке кимәлдә калган.

Россия Федерациясенең урманчылык вузларына һәм техникумнарына барлыгы алты меңнән артык кеше укырга кергән.

Җәмәгатьчелек катнашында агач утырту акциясе Урман хуҗалыгы федераль агентлыгы мөрәҗәгате буенча Россия Федерациясенең барлык субъектларында 11 октябрьдә үткәрелә. Татарстан Урман хуҗалыгы министрлыгының 4 октябрьдә Агач утырту көне үткәрү турындагы тәкъдименә нигезләнеп Татарстан Министрлар Кабинеты чыгарган әмердә төбәкнең фенологик үзенчәлекләре, республика территориясендә агач һәм куаклар утыртуның иң уңайлы чоры исәпкә алынды.

Рәхмәт хаты мәктәп урманчылыгына 2014 елгы янгын куркынычы сезонындагы эшләре өчен бирелде. Октябрь мәктәбендә узган уку елыннан бирле Идел буе урманчылыгының урман саклау инженеры Рөстәм Исмәгыйлев Урман дәресләре үткәрә. Быел яздан алып мәктәп балалары, остазлары белән бергә, урманнарны янгыннардан авиация белән саклаучы “Авиалесохрана” үзәк базасының һәм “Балаларның федераль экология-биология үзәге” читтән торып укышлы экология мәктәбенең “Урманнарны янгыннан бергәләп саклыйк!” акциясенә кушылдылар. Шул белем-тәрбия проекты кысаларында урамнарда флэш-моблар оештырып, үзләре ясаган листовкаларны һәм проспектларны таратып һәм ябештереп йөрделәр, халыкка урманда янгын куркынычсызлыгы һәм үз-үзеңне тоту кагыйдәләрен аңлаттылар.

Урманчылык кунаклары өчен экскурсияне урман саклау инженеры Илдар Ганиев һәм урман яңарту инженеры Венера Фастеева үткәрде. Урман дөньясына сәяхәт питомник белән танышудан башланды. Мәктәп балаларына үсентеләр үстерүнең бөтен барышы күрсәтелде. Шуннан соң алар яланга чыгып, урманның ничек үсүе, аңа кемнең дус, кемнең дошман булуы, урманнарны урлап кисүләрдән һәм янгыннардан саклау, урманнарны үстерү һәм саклау өчен урман хуҗалыгы эшчәннәренең күпме хезмәт куюы турында әңгәмә тыңладылар.

Балалар бигрәк тә 2нче типтагы янгын-химия станциясен кызыксынып карадылар. Анда аларга янгын техникасының ничек эшләвен ясалма “янгын” оештырып күрсәттеләр. Ут белән саксыз кылануның табигатькә нинди зыян китерүен аңлаттылар. Экскурсия урман кишәрлегендә корылган кечкенә агач йортта тәмамланды, анда балалар тәмле чәй эчтеләр, урманчылардан истәлекле бүләкләр кабул итеп алдылар.

Конкурсны Урман хуҗалыгы федераль агентлыгы 12 сентябрьгә кадәр үткәрә.

Россия урман хуҗалыгының матбугат хезмәте хәбәр иткәнчә, чарада Европа, Азия, Африка һәм Америкадан 27 ил катнаша.

Конкурсның төп максаты – төрле илләрдәге яшьләрнең хезмәттәшлегенә, урманнарны өйрәнү һәм үстерү проблемалары буенча белемнәр һәм тәҗрибә уртаклашуга этәргеч бирү. Конкурс эшләренең тематикасы – урман белеме һәм урман үстерү, урман хайваннары һәм үсемлекләре экологиясе.

Татарстан Республикасы Президентының 04.09.2014 №УП-837 Указы җәмәгатьчелек игътибарын территорияләрне комплекслы үстерү, төзекләндерү һәм яшелләндерүгә, халык өчен уңайлыклы шартлар тудыруга юнәлтүне күздә тота.