ЯҢАЛЫКЛАР

Узган ял көннәрендә, 2015 елның 08 июнь көне иртәсенә карата, Татарстан Республикасы урман фонды җирләрендә янгыннар теркәлмәде.

Урманда янгын күргән очракта урман янгыннары буенча бердәм бушлай кайнар линия номеры буенча шалтыратуыгызны сорыйбыз:                8-800-100-94-00

Арча урманчылыгының Девятернә мәктәп урманчылыгы укучылары көннәрен әнә шулай үткәрде.   Экскурсия урман музеена сәяхәт кылудан башланып китте. Бу кишәрлектәге урманчы И.Р.Мөдәррисов балаларга урманчыларның эше турында сөйләде, аларны кызыклы экспонатлар белән таныштырды, урмандагы питомникны күрсәтте.

Янгынга каршы инвентарьны, Красный бор урман кишәрлегендәге янгын каланчасын балалар аеруча зур кызыксыну белән өйрәнде. Аннан соң аларның ялы “Табигать белән аңлашып” исемле экологик сукмак белән тәмамланды.

Бәйрәм 1972 елда БМО Генераль ассамблеясенең 27 нче сессиясе барышында гамәлгә куела һәм Стокгольм конференциясенең әйләнә-тирә мохит проблемаларына багышлап кузгатылган эшенә багышлана. Һәр ел саен дөньядагы шәһәрләрнең берсе чаралар үткәргәндә үзәк мәйдан буларак сайлап алына. Моннан тыш, әлеге вакыйганың темасы, аның төп юнәлешен билгеләүче девизы билгеләнә.

Теләсә кайсы биологик төрнең табигатьтән югалуын кире кайтарып булмый, шунлыктан табигать тыюлыклары белгечләренең төп эш юнәлешләренең берсе булып ТР Кызыл китабына кертелгән хайван һәм үсемлекләрне күзәтү, алар турында белешмәләр җыю, аларны саклау тора.

Былтыр Лобач тавы территориясен тикшергәндә Венера башмакчыгы үсә торган яңа урын табылган иде. Быел “Озын Алан” тыюлыгы белгечләре шул җиргә тагын барып, барлык үсемлекләрнең чәчәк ату хәлендә булуын, кайберләренең генә инде чәчәк койган булуын күрделәр. Венера башмакчыгына искиткеч матур булганы өчен генә шулай игътибар ителми. Аның орлыклары начар шыта, ә тернәкләнеп киткән үсемлекләр 8-10 елдан соң гына чәчәк ата.

Лобач тавы территориясенә биология фәннәре кандидатлары В.Г.Ивлев һәм Т.Н.Добрецова барган иде. Алар Венера башмакчыкларының шау чәчәктә утыруына сокланып, алар өчен үсеш шартларының уңай булуны күреп кайттылар.

Өйрәнүләрдә ТР Урман хуҗалыгы министрлыгы, Россия Гадәттән тыш хәлләр министрлыгының Татарстан Республикасы буенча Баш идарәсе, ТР Сәламәтлек саклау министрлыгы белгечләре һәм хезмәткәрләре, Мамадыш муниципаль районының янгын сүндерү бүлекләре – барлыгы 70 кеше һәм 25 берәмлек махсуслаштырылган техника, Россия Гадәттән тыш хәлләр министрлыгының МИ-8 вертолеты катнашты.

Өйрәнүләрдә шулай ук Идел буе федераль округы буенча Урман хуҗалыгы департаменты башлыгы Александр Орнатский, Марий Эл Республикасы, Самара һәм Түбән Новгород өлкәләреннән килгән вәкилләр катнашты.

        Өйрәнүләрнең сценариесе буенча, коры үләнгә ут төртү сәбәпле янгын телләре урман кишәрлегенә күчә һәм шуннан соң урман бистәсенә дә тарала. Хәвеф арту куркынычына карап, өйрәнүләрдә һәм янгынга каршы көрәшкә яңадан-яңа көчләр һәм техник чаралар җәлеп ителә. Бистәдә яшәүчеләр эвакуацияләнә.

         ТР урман хуҗалыгы министры Алмас Нәзиров билгеләп үткәнчә, өйрәнүләрдә катнашкан барлык хезмәтләр дә куелган бурычларны җиренә җиткереп үтәде.

         Өйрәнүләр барышында Урман хуҗалыгы министрлыгының һәм Федераль янгынга каршы хезмәтнең барлык янгын сүндерү хезмәтләре дә куелган максатларны үтәде. ТР урман хуҗалыгы министры Алмас Нәзиров әйтеп узганча, республикада урман янгыннарын сүндергәндә ведомство вәкаләтләренә бүлеп карау дигән нәрсә юк. Янгынга каршы көчләрне берләштереп көрәшергә кирәк.

2015 елның 25 апреленнән 27 маена кадәр Татарстанның әйләнә-тирәлекне саклау буенча дәүләт инспекторлары республика акваторияләрендә табигать саклау законнарын бозуның 138 очрагын ачыклады. РФ КоАП 8.39 статьясы буенча административ хокук бозу турында 49 беркетмә төзелде. ТР Эчке эшләр министрлыгына җинаять эшләре ачу өчен 5 материал тапшырылды. Операция барышында табигать законнарын бозучылардан 160 корал, шул исәптән 113 җәтмә, шулай ук 15 кг балык һәм 2 йөзү чарасы йолып алынды. Узган чорда физик затларга барлыгы 129 мең сумлык штрафлар салынды, 33.65 мең сумлык зыян салу буенча дәгъвә белдерелде.

Өйрәнүләрнең максаты – урман янгыннарын техника ярдәмендә сүндерү һәм халыкны эвакуацияләү алымнарын ныгыту. Киң күләмле өйрәнүләр, сценарий буенча, урман янгыны торак пунктка күчкән һәм халыкны эвакуацияләү таләп ителгән хәлләргә максималь якын китереп үткәрелә.

Өйрәнүләргә ТР Урман янгыннары үзәгенең, Татарстан буенча Россия МЧСының, ТР буенча МВДның, ТР Саулык саклау министрлыгының, Мамадыш муниципаль районының көч һәм чаралары җәлеп ителәчәк.

Татарстан территориясендә үткәрелгән рейдлар нәтиҗәсендә 59 бозу очрагы ачыкланды һәм бетерелде. Административ хокук бозу турында РФ КоАП 8.31 статьясы буенча 5 физик затка 6 беркетмә, РФ КоАП 8.39 статьясы буенча 4 физик затка 4 беркетмә төзелде. 23.14 мең сумлык штрафлар салынды, шуларның 19.83 мең сумы инде түләтелде.

Аннан тыш, урманчылыклар федераль һәм республика юллары, трассалары буйларындагы 938.3 гектар урман массивларыннан 2680.2 кубометр коры-сары җыештырды.

Тыюлык белгечләре территория буйлап экскурсия үткәреп, аларны төбәкнең табигате һәм күренекле урыннары белән таныштырды. Тыюлык белән танышу кече карагай аллеясыннан, аның матурлыгына һәм мәһабәтлегенә сокланудан, ылыс һәм чәчәк исләренә хушланудан, кош сайрауларын тыңлаудан башланды. Экскурсиядә катнашучылар аннары экологик агарту кабинетына барып, рәсемнәр күргәзмәсе, “таш почмак” экспонатлары, ТР Кызыл китабына кертелгән, табигый тыюлык территориясендә очрый торган сирәк хайван һәм үсемлек төрләре белән таныштылар. Аннары “Елизавета” чишмәсенә барып, баскычтан шунда төшеп, рәхәтләнеп юындылар, шифалы чишмә суын үзләре белән дә алдылар. Ял итеп, саулык һәм яңа көч туплап, яхшы кәеф белән автобуска кайттылар, Тәтеш районының бу иң матур почмагына тагын гаиләләре белән дә килергә вәгъдә иттеләр.

ТР Президенты Рөстәм Миңнеханов 2015 елда Татарстан АССР төзелүнең 95 еллыгын һәм яңа Татарстан дәүләтенең 25 еллыгын бәйрәм итү турында указга кул куйды.

2015 елның язында Татарстанның муниципаль районнарында 10.74 гектар мәйданда Татарстан дәүләтчелегенең юбилей даталарын бәйрәм итүгә багышланган паркларны, скверларны, аллея һәм истәлек урманнарын нигезләү эшләре башкарылды. Төрле токымдагы 4941 үсенте утыртылды. Күп кенә район җитәкчеләре, урманчылыклар белән бергә, республиканың юбилей даталары хөрмәтенә истәлек агачлары утыртуны дәвам итә.