ЯҢАЛЫКЛАР

Татарстан Республикасы урманнарында янгын чыгу куркынычы янаган чор дәвам итә. Республикада урманнарда янгыннар барлыкка килүне кисәтү һәм аның таралуын кисәтү буенча гамәлгә ашырыла торган чаралар комплексы кысаларында урманнарны янгынга каршы төзекләндерү, урманнарны чүп-чардан чистарту, урман янгыннарына каршы пропаганда һ.б. чаралар үткәрелә.

Татарстан Республикасының дәүләт урман инспекторлары санитар-экологик икеайлык кысаларында 600 артык рейд үткәрде. Исегезгә төшерәбез, ул 2019 елның 1 апрелендә старт алды.

Кичә, 28 майда, "Рослесинфорг" ФДБУ Казан филиалында Ачык ишекләр көне узды. Учреждениедә Казан дәүләт аграр университеты һәм Лубян урман-техника көллияте студентлары булды.

Бүген ТР Урман хуҗалыгы министрлыгында аппарат киңәшмәсе булып узды, анда йөкләмәләр үтәлешенең барышы турында фикер алыштылар, шулай ук киләчәккә бурычлар куелды. Чарада министр урынбасарлары, Министрлык бүлекләре башлыклары һәм белгечләре катнашты.

Бүген Министрлыкта видеоконференция режимында киңәшмә узды, анда киләсе чорга бурычлар каралды. Киңәшмә ТР урман хуҗалыгы министры Равил Кузюров рәислегендә узды. Чарада министр урынбасарлары, Министрлык бүлекләре башлыклары һәм белгечләре, урманчылыкларның җитәкче-урманчылары һәм республиканың урман хуҗалыклары директорлары катнашты.

http://rosdrevo.ru/russian-tree-of-the-year/# сайтында "Илнең төп агачы – елның Россия агачы" илкүләм конкурсы буенча тавыш бирү дәвам итә.

ТР Урман селекция-орлыкчылык үзәгенең микроклон вегетатив үрчү лабораториясендә триплоид усакның in vitro клоннарын үрчетү эшләре алып барыла. "Билгеле булганча, гади усакның төп җитешсезлеге – аның кәүсәсе тиз чери. Узган гасыр урталарында һәм ахырында Россиядә һәм башка илләрдә үткәрелгән тикшеренүләр триплоид усакның гөмбә авыруларына тотрыклы булуын исбатлады, – дип сөйләде лаборатория мөдире урынбасары Наил Ханов. – Моннан тыш, әлеге төр югары продуктлылыгы белән дә аерылып тора, тиз үсә һәм үсеш алган шартларына бәйләнеше аз".

Узган атнада "Лубян урман-техника көллияте" ДБҺБУ базасында "Диләнкеләрне аерып чыгарганда һәм таксацияләгәндә эшләрне норматив, техник һәм хокукый тәэмин итү" программасы буенча квалификация күтәрү курслары узды. Республиканың Арча, Исләйтар, Әгерҗе, Бөгелмә, Биләр, Әлмәт, Аксубай һәм Лаеш урман хуҗалыгыннан 13 урман остасы белем эстәде.

Узган атнада Татарстан Республикасының дәүләт урман инспекторлары тарафыннан урман законнары бозылуның 38 очрагы, шул исәптән Мамадыш, Тәтеш һәм Нурлат урманчылыклары урман фонды территориясендә законсыз рәвештә урман утыртмалары кисүнең 3 очрагы ачыкланган. Урман фондына китерелгән зыян күләме 3,8 мең сум, дип бәяләнә.

Бүген Татарстан Республикасында "Татарстанның чиста урманнары" табигатьне саклау акциясе узды. Казан шәһәрендә ул ике мәйданчыкта – республика клиник хастаханәсе каршындагы урман биләмәләрендә һәм Дәрвишләр балалар интернат-йорты янында узды. Чарага 400 артык кеше җыелды.