ЯҢАЛЫКЛАР
Ютазы урта гомумбелем мәктәбенең «Яшел патруль» мәктәп урманчылыгында тәрбияләнүчеләр быелның 1 апрелендә башланган санитар-экологик икеайлыкка кушылды. Балалар мәктәп территориясен, Ветераннар аллеясын һәм Ютазы авылы чишмәсе янындагы участокларны чистартты һәм төзекләндерде.
Түбән Кама шәһәрендә «Түбән Кама индустриаль техникумы» ДАҺБУ базасында «XXI гасыр яшьләренең интеллектуаль потенциалы» VI Республика фәнни-гамәли конференциясе узды. Чарага республикадан 250 кеше җыелды.
Бүген Габдулла Тукай исемендәге Татар дәүләт филармониясе скверында Мәдәният һәм сәнгать йолдызлары аллеясына "исемле" агачлар утыртылды. Чарада Министрлыкның урманнарны торгызу һәм урманнарны үрчетү бүлегенең әйдәп баручы консультанты Андрей Атаманов катнашты.
Бүген ТР "Нурлат урманчылыгы" ДКУ җитәкче-урманчысы Рөстәм Галиев Нурлат муниципаль районы учреждениеләре, оешмалары һәм предприятиеләре җитәкчеләре катнашындагы киңәшмәдә чыгыш ясады. Үзенең чыгышында ул учреждениенең 2019 елның 1 нче кварталындагы эш йомгакларына тукталды, урманнарда янгын чыгу куркынычы янаган чор, янгын куркынычсызлыгы кагыйдәләре һәм "Урман утырту көне" табигать саклау акциясе турында сөйләде.
ТР "Түбән Кама урман хуҗалыгы" ДБУ хезмәткәрләре "Танеко" АҖ санитар-саклык зонасында, 30 гектар мәйданда яклагыч урман утыртмаларын утыртты.
Бүген ТР Дәүләт Советында Татарстанда "Экология" илкүләм проектын тормышка ашыру буенча иҗтимагый тыңлаулар узды.
Бүген ТР Министрлар Кабинетында Татарстан Республикасы урман хуҗалыгы министры Равил Кузюров һәм Россия Гадәттән тыш хәлләр министрлыгының ТР буенча баш идарәсенең күзәтчелек эшчәнлеге идарәсе башлыгы урынбасары Максим Трущин катнашында брифинг булды. Анда ТР урман хуҗалыгы министры Равил Кузюров Татарстан Республикасы урманнарында язгы-җәйге чорда янгын куркынычсызлыгы, урман культуралары чоры һәм алда торган "Урман утырту көне-2019" табигать саклау акциясе турында сөйләде.
"Лубян урман-техника көллияте" ДБҺББУ студентлары һәм хезмәткәрләре санитар-экологик икеайлык кысаларында рейдлар уздыра. Урман фонды территориясендә юллар һәм трассалар буйлап җыештыру эшләре башкарыла.
Бүген Татарстан Республикасы урман хуҗалыгы министры Равил Кузюров аппарат киңәшмәсен уздырды, анда беркетмә йөкләмәләренең үтәлеше каралды. Чарада министр урынбасары, Министрлык бүлекләреннән җитәкчеләр һәм белгечләр катнашты.
Бүген Татарстанда "Татарстанның чиста урманнары" республика табигать саклау акциясе старт алды. Быел ул 2 этапта узачак: 22 апрельдән 22 июньгә кадәр һәм 16 сентябрьдән 16 ноябрьгә кадәр.