ЯҢАЛЫКЛАР
Татарстан Республикасының дәүләт урман инспекторлары санитар-экологик икеайлык кысаларында торак пунктлар һәм федераль һәм төбәк әһәмиятендәге юллар янында 180 артык рейд үткәрде.
Татарстан Республикасы Әгерҗе муниципаль районында "Яшь урманчылар" яңа мәктәп урманчылыгы барлыкка килде. Берләшмә Л.Айтуганова исемендәге Девятернә төп гомуми белем бирү мәктәбе базасында оештырылган.
Бүген ТР "Болгар урманчылыгы" дәүләт казна учреждениесенең Спас кишәрлеге урманчылыгы территориясендә, гадәттән тыш хәлләрне кисәтү һәм бетерү системасы көчләрен һәм чараларын җәлеп итеп, Татарстан Республикасы буенча урман янгыннарын сүндерүнең җыелма планын эшләү белән бер үк вакытта табигый янгыннарны кисәтү һәм бетерү буенча семинар-киңәшмә узды. Шуның белән бергә "Иң яхшы урман янгынын сүндерүче-2019" V Россиякүләм һөнәри осталык конкурсының төбәк этабы да узды.
Бүген Татарстан Республикасында "Урман утырту көне" табигатьне саклау акциясе узды. Казанда үзәк мәйданчык Ишкәкле спорт төрләре үзәге территориясендә булды.
2019 елның 27 апрелендә Татарстан Республикасында "Урман утырту көне" табигатьне саклау акциясе узачак. Яңа урманнар, гадәттәгечә, республиканың барлык муниципаль районнарында да утыртылачак. Бу максатлар өчен ТР Урман хуҗалыгы министрлыгы тарафыннан 2,8 млн. данә утырту материалы әзерләнде (гади нарат, европа чыршысы, себер карагае, вак яфраклы юкә, гади миләш һәм башкалар).
2019 елның 29 апрелендә 09:00 сәгатьтә ТР "Болгар урманчылыгы" ДБУ Спас кишәрлеге участок урманчылыгы территориясендә (Икмәк музее янында, Болгар ш., Кол Гали ур., 3) Татарстан Республикасы буенча урман янгыннарын сүндерүнең җыелма планын бер үк вакытта эшләп бетерү һәм кисәтү буенча семинар-киңәшмә узачак. Өйрәнүләрдә ТР Урман хуҗалыгы министрлыгы, аның ведомствосындагы учреждениеләр, ТР Гражданнар оборонасы эшләре һәм гадәттән тыш хәлләр министрлыгы, ТР "Урман янгыннары үзәге" ДБУ, янгын-химия станцияләре хезмәткәрләре һәм башкалар катнашачак. Чара 250дән артык кешене җыяр дип көтелә.
ТР урман хуҗалыгы министры урынбасары Рәис Гомәров эш визиты белән Әлки, Алексеевск һәм Спас муниципаль районнарында булды. Анда ул язгы урман культуралары эшләрен башкару һәм янгынга каршы минераллаштырылган полосалар салу торышы белән танышты.
Бүген ТР Урман хуҗалыгы министрлыгында "Һөнәри стандартлар. 2019-2020 елларда этаплап гамәлгә кертү алгоритмы" темасына семинар-киңәшмә узды. Чарада "Идел буе сыйфат үзәге" КП директоры урынбасары Мария Янковская, Министрлыкның, республика урманчылыкларының һәм урман хуҗалыкларының кадрлар хезмәте хезмәткәрләре катнашты.
Бөек Ватан сугышында Җиңүнең 74 еллыгын бәйрәм итү уңаеннан ТР Урман хуҗалыгы министрлыгында Бөек Ватан сугышы ветераннары өчен Кайнар линия эшли башлый. Министрлык эшчәнлегенә һәм Татарстан Республикасы Урман хуҗалыгы тармагына кагылышлы мәсьәләләр буенча мөрәҗәгать итәргә мөмкин.
Кичә, 24 апрельдә, В.Г.Тимирясов исемендәге Казан инновацион университетында «Менеджментның нәтиҗәле системалары: сыйфат һәм цифрлы трансформация» VIII Халыкара фәнни-гамәли форумы үз эшен башлап җибәрде.