ЯҢАЛЫКЛАР
Бүген Түбән Кама шәһәрендә ТР "Түбән Кама урманчылыгы" ДКУ һәм ТР "Түбән Кама урман хуҗалыгы" ДБУ учреждениеләренең "2018 елда эш йомгаклары һәм 2019 елга бурычлар турында. 2018 ел өчен коллектив шартнамәләре үтәлешен карау һәм 2019 елга пролонгацияләү" темасына җыелышы булды. Утырыш эшендә ТР урман хуҗалыгы министрының беренче урынбасары Әмир Бәдертдинов, район башкарма комитеты җитәкчесе Айдар Сәйфетдинов катнашты.
Бүген РФ ФҖ Федерация Советында "Агросәнәгать комплексын фәнни һәм кадрлар белән тәэмин итү. Проблемалар һәм аларны хәл итү юллары" темасына түгәрәк өстәл утырышы узды. Чараны ФҖның Аграр-авыл хуҗалыгы сәясәте һәм табигатьтән файдалану комитеты әгъзасы, Урман комплексы буенча эксперт-консультатив совет рәисе Татьяна Гигель уздырды.
Татарстан районнарында "2018 елда эш йомгаклары һәм 2019 елга бурычлар турында. 2018 ел өчен коллектив шартнамәләре үтәлешен карау һәм 2019 елга пролонгацияләү" темасына ТР Урман хуҗалыгына буйсынучы ведомство учреждениеләрендә актыккы җыелышлар уза. Бүген шундый утырышлар Кайбыч һәм Югары Ослан муниципаль районнарында узды. Алар эшендә Министрлыкның эшләр белән идарә итүчесе Илгизәр Зарипов катнашты.
ТР "Минзәлә урманчылыгы" ДКУ белгечләре мәктәпләрдә укучылар өчен "Урман дәрес"ләре уздыра
Бүген Татарстан Республикасы урман хуҗалыгы министры Равил Кузюров Чирмешән муниципаль районына эш визиты белән барды. Ул анда ТР "Чирмешән урманчылыгы" ДКУ һәм ТР "Чирмешән урман хуҗалыгы" ДБУ учреждениеләренең "2018 елда эш йомгаклары һәм 2019 елга бурычлар турында. 2018 ел өчен коллектив шартнамәләре үтәлешен карау һәм 2019 елга пролонгацияләү" темасына багышланган җыелышында катнашты.
Урман тармагы белгечләре урманнарны саклау, яклау һәм торгызу мәсьәләләрендә Татарстан Республикасы муниципаль районнары хакимиятләре белән үзара хезмәттәшлек итә. Әйтик, ТР "Идел буе урманчылыгы" ДКУ җитәкче-урманчысы Рөстәм Исмәгыйлов Югары Ослан муниципаль районы башлыгы Марат Зыятдинов, райондагы учреждениеләр, оешмалар һәм предприятиеләр җитәкчеләре катнашындагы киңәшмәдә доклад белән чыгыш ясады.
ТР "Әгерҗе урманчылыгы" ДКУ Красный Бор кишәрлеге урманчылыгының участок урманчысы Николай Мурнов "Карсный Бор УББМ" МБМУ укучылар өчен "Кошлар - кешенең дуслары" темасына дәрес уздырды.
Кичә, 26 февраль көнне, Зәй шәһәренең "Зәй политехник көллияте" ДАҺББУ базасында ТР МХБО студентлары арасында "Иң яхшы гавами чыгыш" VI республика сүз осталыгы конкурсы узды.
Кичә, 25 февраль көнне, ТР "Бөгелмә урманчылыгы" ДКУ җитәкче-урманчысы Гөлнара Мөхәммәтханова Ютазы муниципаль районы учреждениеләре, оешмалары һәм предприятиеләре җитәкчеләре катнашында киңәйтелгән киңәшмәдә чыгыш ясады.
Яшел Үзән районында мәктәпкәчә яшьтәге балаларның һәм мәктәп укучыларының фәнни-тикшеренү, проект һәм иҗат эшләренә багышланган "Край родной, навек любимый, где найдешь еще такой!" төбәк конкурсының муниципаль этабына йомгак ясалды. "20 нче "Елочка" гомуми үстерү төрендәге балалар бакчасы" МБМББУ тәрбияләнүче Гадел Хөснетдинов җиңүче дип танылды, ул "Туган төбәк урманнарындагы корткычлар" проектын тәкъдим иткән.