ЯҢАЛЫКЛАР
Бүген ТР Урман хуҗалыгы министрлыгында Министрлык каршындагы Иҗтимагый совет утырышы булды. Чарада ТР урман хуҗалыгы министры Равил Кузюров, аның урынбасары Рәис Гомәров, эшләр белән идарә итүче Илгизәр Зарипов, республика учреждениеләре һәм оешмалары вәкилләре катнашты.
Бүген Татарстан Республикасы урман хуҗалыгы министры Равил Кузюров аппарат киңәшмәсен уздырды, анда беркетмә йөкләмәләренең үтәлеше каралды. Чарада министр урынбасары, Министрлык бүлекләреннән җитәкчеләр һәм белгечләр катнашты.
Иртәгә, 21 март көнне, Татарстан Республикасында Халыкара урманнар көне билгеләп үтеләчәк. Әлеге бәйрәм 2012 елның 21 декабрендә БМО Генераль Ассамблеясы карары белән гамәлгә куела. Халыкара урманнар көненең төп максаты – җәмәгатьчелекне урманнарны саклау проблемасына җәлеп итү, урман экосистемасының әһәмияте, аны яклау һәм торгызу чаралары турында мәгълүмат бирү.
ТР Чирмешән муниципаль районында урманнарда янгын чыгу куркынычы янаган чорга актив әзерлек эше алып барыла. Исегезгә төшерик, Татарстанда ул быелның 15 апрелендә башланып китәчәк.
Бүген Казан дәүләт аграр университетының урман хуҗалыгы һәм экология факультетында студентлар һәм югары белем бирү йортын тәмамлап чыгучылар өчен вакансияләр ярминкәсе булды. Чарада ТР Урман хуҗалыгы министрлыгының эшләр белән идарә итүчесе Илгизәр Зарипов, факультет деканы Людмила Пухачева, Чыгарылыш укучыларын югары уку йортына керер алдыннан әзерләү һәм эшкә урнаштыру үзәге җитәкчесе Гүзәл Фәссахова, республика урманчылыклары һәм урман хуҗалыклары вәкилләре катнашты.
2019 елның 11 апрелендә Пермьда "GREENindustry: ЛесЕГАИС" семинары булачак.
Яр Чаллы шәһәренең 24 нче санлы урта гомуми белем бирү мәктәбе базасында А.С.Тайсин исемендәге "Мин яшәгән төбәк" дигән VIII республика фәнни-гамәли укулары узды. Чараны оештыручылар: ТР Мәгариф һәм фән министрлыгы, "Казан (Идел буе) федераль университеты" югары белем бирүче федераль дәүләт автоном университеты һ.б.
ТР "Урман янгыннары үзәге" ДБУ белгечләре республиканың гомуми белем бирү учреждениеләрендә янгынга каршы пропаганда алып бара. Кичә, 18 март көнне, әйтик, Лаеш муниципаль районында урнашкан III типлы янгын-химия станциясе җитәкчесе Фәрхәт Абдуллин 2 нче санлы Лаеш урта гомуми белем бирү мәктәбендә булды.
Дәүләт урман күзәтчелеген гамәлгә ашыру кысаларында узган атнада Татарстан Республикасының дәүләт урман инспекторлары урман утыртмаларын законсыз кисүнең 11 очрагын ачыклаган. Шул исәптән ТР "Яшел Үзән урманчылыгы" ДКУ һәм ТР "Тәтеш урманчылыгы" ДКУ урман фонды территориясендә урман утыртмаларын законсыз кисүнең 3 факты теркәлгән.
"Рослесозащита" ФБУ филиалы – "Татарстан Республикасы Урманнарны яклау үзәге"ндә урман үсемлекләре орлыклары партияләрен тикшерү эше дәвам итә. Мартның беренче яртысында учреждениегә яңа әзерләнгән 14 партия һәм саклана торган 21 партия орлык килгән.