ЯҢАЛЫКЛАР
Бүген Татарстан Республикасы Хөкүмәте йортында Татарстан Республикасының Гадәттән тыш хәлләрне кисәтү һәм бетерү һәм янгын куркынычсызлыгын тәэмин итү комиссиясе утырышы узды.
Әгерҗе районы Сарсак-Омга лицееның "Яшел армия" мәктәп урманчылыгында тәрбияләнүче балалар Татарстан Республикасы мәктәп урманчылыкларының III слетына әзерләнә. Балалар урман хуҗалыгы терминнарын һәм төшенчәләрен, урман хуҗалыгы эшләре төрләрен, сирәк үсемлекләрне һәм хайваннарны өйрәнә.
Татарстан Республикасында урман культураларын агротехник карау эшләре дәвам итә. Бу елның 21 июненә алар 6,9 мең гектар мәйданда башкарылган. Агымдагы елда мондый эшләр 17,9 мең гектарда башкарылачак.
Бүген Идел буе федераль округы буенча Урман хуҗалыгы департаментында 2019 елда урман янгыннарын сүндерү һәм урман торгызу эшчәнлеген координацияләү мәсьәләләре буенча видеоконференция режимында киңәшмә узды. Киңәшмә департамент җитәкчесе урынбасары Сергей Ковалев рәислегендә узды.
Урман кишәрлекләрен арендалаучыларның күп санлы мөрәҗәгатьләренә бәйле рәвештә Татарстан Республикасы Урман хуҗалыгы министрлыгы Россия Федерациясе Урман кодексының 43-46 статьялары нигезендә урманнардан файдаланучы затлар һәм урман кишәрлегенең максатчан билгеләнешен үзгәртү турында гариза белән мөрәҗәгать иткән затлар тарафыннан урман торгызу яки урман үрчетү эшләрен башкару кагыйдәләрен аңлата. Әлеге кагыйдәләр РФ Хөкүмәтенең 2019 елның 7 маендагы 566 номерлы карары белән расланган.
"Иң яхшы эковолонтер отряды" II Бөтенроссия конкурсында катнашу өчен гаризалар кабул ителә башлады.
Бүген ТР урман хуҗалыгы министрының беренче урынбасары Илгизәр Зарипов АН-2 очкычы ярдәмендә республиканың урман фонды территориясен карап чыкты. Чарада шулай ук "Урман янгыннары үзәге" ДБУ директоры Айдар Гайфуллин да катнашты.
Бүген "Лубян урман-техника көллияте" ДБҺБУ 32 нче икътисадый төркем студентларының чыгарылыш квалификация эшләре якланды. Дәүләт имтиханнары комиссиясен ТР урман хуҗалыгы министры урынбасары Рәис Гомәров җитәкләде.
Яшел Үзән районының 14 нче лицееның мәктәп яны лагерында тәрбияләнүче балалар "Рослесозащита" ФБУ филиалы – Татарстан Республикасы Урманнарны яклау үзәгенең эше белән танышты. Балалар өчен экскурсияне филиал җитәкчесе урынбасары Венера Ефременкова үткәрде.
2019 елда республикада "Экология" илкүләм проектының "Татарстан Республикасында урманнарны саклау" төбәк проекты кысаларында 42 берәмлек техника сатып алыначак.