ЯҢАЛЫКЛАР
ТР Лениногорск муниципаль районында "Дубки" дигән яңа мәктәп урманчылыгы барлыкка килде. Әлеге берләшмә Лениногорск районының 3 нче урта гомуми белем бирү мәктәбе базасында оештырылган. Мәктәп урманчылыгында катнашучыларны ТР "Лениногорск урманчылыгы" ДКУ җитәкче-урманчысы Александр Степанов сәламләде.
Лаеш муниципаль районының Лаеш шәһәрендә III типтагы янгын-химия станциясе базасында урманнарда янгыннар чыгу куркынычы янаган чорга әзерлек мәсьәләләре буенча семинар-киңәшмә узды. Чарада ТР "Урман янгыннары үзәге" ДБУ директоры Айрат Әхмәров, үзәкнең III типтагы ЯХС башлыклары һәм механиклары катнашты.
Бу атнада Татарстан Республикасында Халыкара кошлар көненә багышланган чаралар дәвам итте. Мисал өчен, 3 нче апрель көнне ТР "Идел буе урманчылыгы" ДКУ хезмәткәрләре Югары Ослан районының Октябрь урта гомуми белем бирү мәктәбенең "Яшь урманчылар" мәктәп урманчылыгында тәрбияләнүче балалар өчен дәрес уздырды. Ключище кишәрлеге урманчылыгының урман осталары Владимир Тихонов һәм Евгений Чубаков мәктәп укучыларына Татарстан Республикасының урман хуҗалыгы, урманнарда яшәүче кошлар һәм аларның табигатьтәге роле турында сөйләде.
ТР Урман хуҗалыгы министрлыгының ведомство буйсынуындагы учреждениеләрендә язгы урман культуралары эшләрен уздыруга әзерлек бара.
Татарстан Республикасында 2013 елның 28 декабрендәге 415-ФЗ номерлы федераль законны гамәлгә ашыру кысаларында, "Агач ташучы машина" оператив-профилактика чарасы дәвам итә. Операциянең максаты – республикада агач материалын законсыз әзерләүне, транспорт белән күчерүне һәм эшкәртүне кисәтү һәм чикләү.
ТР Урман хуҗалыгы министрлыгының Беренчел һөнәри берлек оешмасы "Мин үз Ватаным белән горурланам!" республика балалар рәсем конкурсының беренче этабын уздыра. Конкурска "Минем төбәк", "Минем гаилә" һәм "Кем булырга?" темалары буенча 13 эш килгән. Конкурста Министрлыкның дәүләт граждан хезмәткәрләре – һөнәри берлек оешмасы әгъзаларының 4 яшьтән 16 яшькәчә балалары катнаша.
Мәскәү шәһәренең "Иң югары икътисад мәктәбе" илкүләм тикшеренү университеты базасында Россиядәге "яшел" белем бирү йортларының III Россиякүләм слеты булды. Форум кысаларында төрле тренинглар, эшлекле уеннар, презентацияләр, табигать саклау эшчәнлеге, экологик проектларны тормышка ашыру һәм экологик акцияләр уздыру мәсьәләләре буенча семинарлар үткәрелде. Слетта шулай ук Россиянең "Яшел" белем бирү йортлары ассоциациясе оештырган "Безнең белән аер", "Лесомания", "Россия суы", "Экоагарту" квестларында җиңеп чыгучыларны да бүләкләделәр.
Менделеевск районындагы 2 нче урта белем бирү мәктәбе базасында "Берендеево патшалыгы" мәктәп урманчылыгын ачу тантанасы булды. Балалар каршысында хәер-фатиха сүзләре белән мәктәп директоры в.б. башкаручы Любовь Игнатьева, "Алабуга урманчылыгы" ДКУ урман торгызу буенча инженеры Оксана Смирнова һәм Менделеевск кишәрлеге урманчылыгының урман остасы Дмитрий Павлов чыгыш ясады.
1 апрельдә Татарстан Республикасында Халыкара кошлар көне билгеләп үтелде. Әлеге экологик бәйрәмнең төп максаты – бөтен дөнья буйлап кошларның төрләрен һәм исәбен саклап калу.
Татарстан Республикасында "Урман янгыннары үзәге" ДБУ янгын-химия станцияләренең 2019 елгы янгын чыгу куркынычы янаган чорга әзер булу-булмавы тикшерелә.