ЯҢАЛЫКЛАР

Язның беренче сулышы белән, кар һәм салкыннар аша, март ае бөтен тереклеккә инде күптәннән көтелгән җылылык алып килә, һәм искитмәле бәйрәм – Халыкара хатын-кызлар көне килеп җитә. Мәхәббәт, гүзәллек, ана булу бәхете, гаилә гореф-гадәтләренә тугрылык кебек бәһасез кыйммәтләр әлеге бәйрәмдә үзенең чагылышын таба.

Татарстан Республикасының урман хуҗалыгында биш йөздән артык хатын-кыз эшли, һәм сезнең һәркайсыгыз рәхмәт һәм хөрмәт сүзләренә лаек. Урманга хуҗалыклы караш, алтын куллар, сезнең йөрәк җылысы, гүзәллектә һәм гармониядә яшәү теләге кирәк.

Сезне бәйрәм белән котлыйм һәм тормышыгызның иң яхшы хисләргә, иң яраткан кешеләрегезгә, иң матур чәчәкләргә тулы булуын телим!

Спартакиадада министрлык белгечләре, ведомство буйсынуындагы учреждениеләрдә, “Рослесинфорг” ФБУ Казан филиалында, “Восточно-Европейская ЛОС” ФБУ ВНИИЛМ филиалында, “Урман транспорт компаниясе” ААҖ эшләүчеләр, Казан дәүләт аграр университеты һәм Лубян урман-техника көллияте студентлары арасыннан төрле яшьтәге ир-ат һәм хатын-кыз командалары катнашачак.

Республиканың барлык урман берләшмәсен җыя торган спартакиада гадәттәгечә Кукмара муниципаль районының Лубян авылында уза.

Кышкы чорда, салкыннар көчәеп, кар күп ява башлагач кыргый хайваннар өчен ризык табуга бәйле авыр вакыт килеп җитә. Кабан дуңгызларына, кыр кәҗәләренә һәм пошиларга елның авыр чорын кичерү өчен кеше ярдәмгә килә. “Чулпан” дәүләт табигый тыюлыгы инспекторлары аның территориясендә ашату мәйданнары оештырды, бирегә бөртекле азыклар, печән, силос китерелә. Шушы мәрхәмәтле эштә “Татмилиорация -Агро” ҖЧҖ булыша.

    Табигатьне яратучы сабыйлар белән очрашуны “Ашыт” дәүләт табигый тыюлыгы белгечләре оештырды. Уенлы һәм кызыксындыргыч рәвештә алар балаларга төбәктәге кошлар турында, “Ашыт” ДТКТ территориясендә  канатлы кошларның 112 артык төре яшәгәнлеге, аларның 12 се бик сирәк очрый торган һәм Татарстан Республикасының Кызыл китабына кертелүе турында сөйләделәр. Безнең каурыйлы дусларыбыз кайда һәм ни рәвешле кышлыйлар, алар нәрсә белән туклана, кошлар ничек күрә, әлеге курку белми торган галәм яулаучыларның җылылыкны ничек көйләве – үсеп килүче яшь буын белән ике арадагы әңгәмәдә кызыклы мизгелләр.

Балалар бакчасында эшләүчеләргә тыюлык грамоталары һәм ТР Урман хуҗалыгы министрлыгы тарафыннан бастырып чыгарылган җыентыклар тапшырылды.

Семинарда Әгерҗе муниципаль районы һәм Удмуртия Республикасының Алнаш районындагы гомуми белем бирү мәктәпләренең биология һәм экология укытучылары катнашты.

Семинарда экологик белем һәм тәрбия бирү, ТРда Парклар һәм скверлар елын ябу, мөгаллимнәрнең иҗади потенциалын үстерү, экологик белем һәм тәрбия бирү өлкәсендә аларның компетентлыгын арттыру буенча эш тәҗрибәсе гомумиләштерелде.

Дәүләт тыюлыгы белгечләре ачык дәресләрдә, презентацияләрдә, класстан тыш чараларда катнашты, мәктәп укучыларының сорауларына җавап бирде. “Җир Хартиясе принципларын тормышка ашыру турында” доклад белән тыюлык башлыгы Әһли Фәйзуллин чыгыш ясады.

Татарстан Республикасында Парклар һәм скверлар елына йомгак ясап, табигатьне саклау хәрәкәтендә иң иҗади актив катнашучыларны дипломнар һәм тыюлык хакимиятенең бүләкләре белән билгеләп үттеләр.

“Озын Алан” (“Долгая Поляна”) дәүләт табигый тыюлыгы белгечләре экологик-яктырту эшчәнлеген алып бара. Татарстан Республикасында Суны саклау зоналары елында алар балалар бакчаларында тәрбияләнүчеләр һәм мәктәпләрдә укучылар арасында лекцияләр һәм дәресләр үткәрә, биредә су саклау зоналары гыйбарәсе, тәртибе турында, шулай ук кеше тормышында су объектларының әһәмияте турында сөйлиләр.  

Шундый дәреснең һәркайсы викторина белән тәмамлана, аннан соң иң актив катнашучыларга “Озын Алан” ДТКТ дипломнары һәм табигать турындагы китаплар бүләк ителә.

Болгар кишәрлеге урманчылыгының Ржавец т.п. районындагы урман массивында урнашкан стационар ашату мәйданнарына кыш буе кабан дуңгызлары килә. Урманның әлеге өлеше “Спас” ДТКТ территориясе белән чикләшә, Куйбышев сусаклагычы култыгы буйлап тарала һәм кыргый кабан дуңгызларының яраткан урыны булып тора. Тыюлык территориясендәге җикән камышы һәм камыш үсемлекләре арасында алар ятаклар урнаштыра һәм пычрак ванналар керә, ә кышның авыр һәм ач чорында урман ашханәләренә киләләр, анда иганәчеләр тарафыннан бүлеп бирелгән бөртек фуражы салына, “Болгарское ХПП” ҖЧҖ шул иганәчеләрнең берсе булып тора.

Татарстан Республикасы буенча Баш дәүләт юл хәрәкәте иминлеге инспекторы Р.Н. Миңнеханов инициативасы белән “Безнең Татарстан” VI республика яшьләр форумының финалы була, әлеге чара яшьләрнең проектларына һәм идеяләренә теләктәшлек белдерүгә юнәлдерелгән. Гадәт буенча министрлык белгечләре “Куркынычсызлык теориясе” секциясе эшендә катнаша, автомобиль трассалары янәшәсендә саклык урман утыртмаларын булдыру буенча проектлар тәкъдим итәләр.

Быел форумда 14 яшьтән 30 яшькәчә булган яшьләр (35 яшькә кадәрге яшь галимнәр), Татарстан Республикасындагы югары һәм урта һөнәри белем бирү йортлары студентлары, Татарстан Республикасындагы балаларның һәм яшьләрнең иҗтимагый берләшмәләре активистлары катнаша ала.

Теркәлү һәм тулырак мәгълүмат www.forumtatarstan.ru рәсми сайтында.

Элемтә өчен: Н.С.Аникина тел: 8(843) 533-37-76.

Аларны Нурлатның 3 санлы шәһәр урта мәктәбенең Экология түгәрәге әгъзалары әзерли, ул “Нурлат урманчылыгы” ДКУ мәктәп урманчылыгы эшендә базалы булып санала.

Җимлекләрне ел саен эләләр, һәм табигать сакчылары даими рәвештә аларда җим булуын күзәтеп тора. Мәктәп бакчасында чыпчыкларның һәм песнәкләрнең шатлыклы авазлары кошлар ашханәсенә очып килүче чәүкәләрнең һәм каргаларның усал һөҗүме белән алмашына.

Быел Халыклар дуслыгы паркы өчен дә җимлекләр ясау карары кабул ителде. 6б сыйныфында укучы Алсу Маняпова белән Розалия Камалетдинованың һәм 8б сыйныфында укучы Эльмира Төхвәтуллинаның җимлекләрен балалар иң яхшылары дип таныды.

Урман фонды җирләрен үзирекле яулап алуга һәм шәхси торак төзелеше өчен җир кишәрлекләрен үзләштерүгә юл куймас өчен Министрлык урман фонды җирләрен кадастр исәбенә кую буенча чаралар күрә.

ТР Росреестрында семинар-киңәшмә булып узды, анда ТР башкарма хакимияте органнары вәкилләре һәм кадастр инженерлары катнашты. ТР Урман хуҗалыгы министрлыгыннан семинарда аренда мөнәсәбәтләре бүлеге башлыгы Тимур Галиев һәм дәүләт урман реестры, урманнардан файдалану һәм урманкору бүлегенең әйдәп баручы консультанты Гүзәл Зарипова катнашты.

Семинар-киңәшмәдә урман җирләрен кадастр исәбенә кую мәсьәләләре турында сөйләштеләр.